到美國升學，應如何準備?

✔ 最佳答案

中六之後可以直接升讀美國大學, 我5年前就係gum. 當然要睇番你d成績同埋中學讀過咩科. 簡單d黎講, 如果有學校收就ok. 一有學校收，就可以拿到留學visa～

首先你要去考TOEFL同埋SAT. (http://www.princetonreviewhk.com/　呢間公司有定期舉辦．其他地方都應該有)

TOEFL:
所有英文唔係母語, 而想去美國留學既人都要考. 係測試你既英文程度足以應付英文授課同日常生活.　唔算太難．本身英文好既話，做ｄ exercise就夠；如果唔係gum好，就做多幾本exercise.. 因為TOEFL成績係非常重要！

SAT:
所有想讀美國大學既人（包括美國人）都要考．考英文同數學．
SAT數學可以話好易．頂多係香港中二，三程度．美國留學既外國學生係出左名考得高分，所以要去美國留學，SAT數學一定一定要考得好！（而且真係唔難，所以更應該比心機考好ｄ）
SAT英文對於英文唔係母語既人黎講係超難（一般美國人都會覺得難），所以考得唔好唔洗太驚，合格就穩陣～TOEFL考得好比較重要！

好多書局都有TOEFL同SAT既書，記得要搵幾本黎睇啊！

考左TOEFL同SAT, 知道自己既成績，就可以選學校．呢個網站（http://colleges.usnews.rankingsandreviews.com/usnews/edu/college/rankings/rankindex_brief.php）有美國大大小小既大學既資料．包括學費，地點，有幾多外國留學生等等．雖然係去年既資料，但係一般黎講都唔會差好多．睇岩基本條件既話，就去學校公式網站再搵下佢地去年SAT平均收幾分！如果同你既分差唔多，研究過間學校岩心水，gum 你就跟住ｄ指示去申請．如果你個分無gum高都唔怕，因為好多美國大學收英文唔係母語既外國留學生時，會唔睇重SAT英文個分，而重視TOEFL同SAT數學．　所以如果你SAT數學高，TOEFL又唔差，都可以試下申請．

申請既時候都會要你交中學成績（包括平時學校同埋會考成績），有時仲要學校老師既推薦信，所以要預先同你學校講左先，等佢地幫你手預備下．而且申請時一般都會要你寫essay，所以早ｄ寫好，可以請英文老師幫你check下．^_^

仲有，美國大學係好重視申請人既課外活動同埋領導能力．所以如果平時有做開課外活動既話，不妨試下做下領袖；如果無做開，就即刻開始做下義工，開學時join下ｄ學會．呢ｄ唔單止令你個大學申請更有力，仲可以等中學既老師更了解你，寫封好ｄ既推薦信~　

你都見到，其實都幾多野要準備，而一般美國大學係十二至二月就會陸續截止申請（出名既大學可能更早），所以如果想中六之後即刻去，最好年尾前要準備好.

（不過唔使怕，我果陣都唔早得你幾多）

至於你問唔識人係果邊會點，完全唔係問題．申請時學校完全唔會理，問都唔會問．而且你去到就會發現，好多美國人既同學ｄ屋企人同親戚都係住到無雷公gum遠！我果時都唔識人，都冇問題．放假仲可以跟埋ｄ美國人朋友去佢地屋企玩～其實美國gum大，就算你有親戚係果邊，都未必係學校附近．大部分既大學都有宿舍，有ｄ仲會要求所有學生第一年住宿舍（我果間就係gum)，　所以你可以住住宿舍先，第二年再同ｄ朋友去出邊租．住宿舍可能貴ｄ，但勝左可以識到好多人，所以住番一兩年都係好事～

我自己係”過來人”，希望幫到你啦～仲有咩想知既不妨問，我會盡力答！

回答 (2)