澳洲同香港的福利

我係澳洲住了幾年，如果要講晒，我諗要幾日。
我猜你想知敎育，及家庭等。

先係敎育，澳洲對國民的敎育好關照，你冇錢讀大學但又想讀，政府會同你比埋學費，等你出來做工時才係你的收入中扣回你的欠款，但扣得好合理，扣除的錢有一個最高的百分比作參考，長命債長命還，你唔做野仲唔使還，唔會令你冇錢過活。不過要睇你讀乜科，讀master同博士就冇咁多資助，比如讀敎育的BEd和MEd都會平同多政府資助。

小朋友一出世最基本有俗稱的牛奶金，一直可以攞到十幾歲，如果你情況特殊，政府會好幫忙，比如單親福利又會好一點，所以有些唔係都搞分居，攞多些錢。另外又有湊仔金。

除了唔使比學費，你只要成為公民，讀書都可以攞生活津貼，夠你生活。
失業又即刻可以攞失業救濟，只要你係公民。

每個永久居民同公民，都可以免費睇醫生，同去公立醫院接受免費治療，但醫藥分家的，睇街症時就要自己出錢買藥。

其實，整個社會結構同香港好唔同，就算你住係澳洲，都要用一些時間去了解。澳洲社會的基本概念就係平等，你揾到錢，政府會抽30% - 3x%稅，得來的錢就會資助有需要的家庭，所以你唔生仔女，唔讀書，咁就只有醫療的資助。

唔知係唔係你想知的東西。