中六選科 西史定經濟?

al西史同經濟我都有讀

其實al econ比cert econ深好多，
尤其文科生讀macro會幾辛苦
有好多嘢要計
如果自問數學及分析力差
連cert 都係緊緊夠使嘅話
就唔好亂試

至於所謂西史，al有兩份卷，即西方史及亞洲史
課程內容好闊，大多數學校只會教其中一部份
西方史會重視1800年後法德俄意等國的政治發展及世界大戰
亞洲史主要教近代中國史、日本史
cert 無讀過會差啲，因為學的內容差不多
但運用史料方面就難好多
essay問嘅嘢唔會好直接，要你諗吓點答至啱
至於歷史資料題，就考觀察力

其實你讀過ECON，應該知道自己得唔得
至於西史，唔好誤信謠傳，諗住背就得，AL冇一科係易嘅

我自己係讀econ既
原因係唔想大量背野 因為要讀hist就一定要大量背野
加上寫字要勁快 因為要答essay
呢科其實係睇你肯唔肯將大量歷史資料背晒佢姐

econ就可以吹水 但當然有難度 仲要分析 都幾難
if你一解錯題目即誤解左佢想問邊一個課題
你個條題目就會冇晒分 但就可以唔駛背咁多野

我覺得你應該睇興趣去讀 同埋睇你記憶力