倉鼠籠大細的問題

1.籠大d當然好d

2.籠太細會令鼠鼠有壓力,而且空間太少,會令鼠鼠有機會有麻痺及肥胖既問題

3.冇,因為倉鼠係獨居動物,我都好鍾意鼠鼠,都好想一次養好多好多隻,但真係搵鼠鼠去博下好唔好彩

好多話鼠鼠唔打交既情況,都係話鼠鼠唔係打交,互打只係玩下,甚至話打交可以增進感情
冇事既時候的確冇咩問題,有d外傷你唔仔細去睇係唔多覺,但有事既時候就好易攪出鼠命了,人俾鼠鼠咬都會覺得痛,何況兩隻size差不多既鼠,咬對方一口,感覺就一定更慘更驚了

就算咁好彩買到兩隻好乖,唔易打交,但唔易都唔代表一世100%唔打吧,我之前兩隻同一胎既男鼠,都好乖,唔咬人又怕事,成日痴住一齊訓一齊玩,最後一陣子就打死晒

實在好難24小時睇實鼠鼠既活動,有咩事做主人既都唔開心,鼠鼠又辛苦,何不接受鼠鼠自然既習慣呢?有d動物真係獨居動物,就算初時唔打,日後都難保會打,好似安安佳佳咁,最後都要分開呢!

希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

真係希望將我睇書及自己經驗講俾閣下知,令人同鼠都過得更好,唔想任何人有步我後塵既機會,細個見到鼠食鼠,鼠打交,鼠食b等情況實在太多,到十多年後我間中都會發惡夢見到呢

1.如果養一隻鼠鼠個籠大唔大都冇所為
如果養二隻鼠鼠以上個籠就要大D
2.個籠細 ge 話都唔會俾鼠鼠有壓力既
3.e題我都唔知

我都養左兩隻鼠鼠,佢地都經常打交

希望我會幫到你