沖涼後的護理程序是怎樣??

同狗仔沖完涼之後, 請立即用毛巾幫佢抺乾個身先...
然後就用熱風或暖風幫佢吹到九成乾就得啦！（但千祈唔好用凍風）
（不過有一個步驟好重要：你第一時間要用風筒幫狗狗吹乾個肚底位置先...如果唔即刻吹乾肚仔的話, 狗狗一冷親個肚就會肚痾架啦）

其實冇話分咩狗種就要點樣梳毛架...
而梳毛既程序都幾簡單...
首先你要去寵物用品店度買一把"針梳"（把梳上面有好多針撐出果種）及一把直梳...

：你同佢梳果陣唔可以一下梳到尾, 咁樣佢會好痛架...要一小部份一小部份咁梳.
假設你依家想同你隻松松梳後腿大脾位置, 你就用右手拎住把梳左手就扶高少少佢隻後腳（切勿扶得佢隻腳太高...因為會好易整親）, 然後當你隻左手一邊扶住佢隻腳一邊"禁"住佢啲毛, 用齒梳慢慢一少少咁扯d毛出嚟...咁就可以連底毛及死毛都可以梳晒出嚟架啦...其他位置都係一樣道理...
你可以用呢個方法試吓...

（因為我學緊寵物美容呀...我隻松鼠狗都係我自己幫佢扮靚架！）