威爾斯親王醫院，老公可否陪產？是否要申請的？

可以話你知威院是不用預先申請陪產的﹐但無錯﹐做先生的要醒目﹐如果助產士很忙﹐未必可以理到你﹐佢可以唔安排你入；反之﹐如果當時得你太太一個生﹐咁就可以很多人 serve 你都得！唔想 miss ﹐就早些在產房門口等﹐按鐘時要有禮貌地同姑娘溝通等... 另外太太入產房的時候都盡量早ｄ同姑娘講定啦
產前房會在七樓﹐生的的時候會推了去六樓﹐通常都係唔會俾你跟住去的﹐太太搭 lift ﹐你自己醒目行樓梯落六樓﹐在門外等﹐應該可以睇住太太入產房﹐就可以趁機同開門的助產士講兩句；佢地唔會即刻俾你入去的﹐要安頓好太太先
入院呢﹐其實是會安排在預產期之後一星期入院的；當然如果之前太太已經有肚痛穿水﹐就梗係去急症室啦！二等房呢樣野都要睇有沒有位﹐同埋睇你係急症入定（四十一周時）入去等催生啦！入到去先轉都可以既（如果沒有記錯﹐只有產後先有二等房的）

最好都係上返關於醫院陪產既網頁睇下好d,因為未必間間醫院做法一樣,好似產前檢查,有d媽媽話醫院同佢照兩次照聲波,但我屯門醫院照果時,姑娘一入房就話唔會照兩次,要照多次就自己搵私家照,陪產都係一樣,30週前申請,兩個星期覆批唔批,仲有申請表上寫明,填邊個就係邊個陪,唔可以轉人咁,..所以你搵返你太太生果間醫院,一d關於陪產既網頁好d..

我老公完全無上過陪產course,
唔使寫紙申請, 但請謹記, 如果你真係生得(即係子宮開到兩度半至三度),
最好叫你老公stand by喺產房外面等, 雖然可能等好耐,
但係都好過miss左生果刻, 因為過左D姑娘唔會再主動叫你
老公入產房睇架啦!! 記謹要同姑娘講你老公要陪產,
因為隨時你一生得就叫佢入去架啦!!!
仲有帶相機帶相機帶相機!!! 影低呢個歷史性時刻嘛^^
我就笨左啦, 我開到兩度半落產房, 當時候產室姑娘見我老公拎住相機,
佢就話唔可以影相, 要寫紙申請, 要我地收埋, 我地又聽佢話收埋左,
點知到生完果陣, D助產士問我地有無帶相機, 話幫我地影相留念,
我地講個情形俾佢聽, 佢聽到都替我地無奈, 最後唯有用手機影囉,
所以點都拎埋部相機呀, 因為阿B剛出世個樣同之後果日個樣都
已經唔同晒架啦!

正常情況下, 醫生會在預產期前最後一次檢查通知入院日期, 但係如果在預產期前已出現見紅, 就要立即入院.
一般在預產期前一個月就要執拾入院所需物品. 可以購買一個輕便旅行袋把需要物品預先執拾好, 如在預產期前作動或見紅就可以立即入院, 不用臨時臨急收拾行裝.
醫院係可以陪產, 不用預先申請, 只要在孕婦入產房前通知護士就可以.
如是第一胎在順產情況下一般由見紅至作動到誕下嬰兒大約需時十二小時, 陪產大部份時間都會在產房外等候, 直至孕婦出現陣痛時就可以陪產, 整個生產過程不超過一小時. 如果是不怕血的話, 當BB出世一刻, 護士會第一時間讓父母親一親BB, BB面上會帶有血跡, 跟著護士會倒吊BB, 拍打其屁股, BB就會發出第一聲喊聲. 至此整個過程完結, 榮升父親既已經好攰, 可以回家休息(通常都係俾護士趕走).
住二等房可以先同醫院登記, 不過實際情況要視乎牀位情況, 如果牀位不足, 一般會先按排住普通房, 待有牀位時才轉二等房.