✔ 最佳答案
晚黑機可以下晝去機鐵站check-in, 但人同護都要到, 唔可以揾人代你check-in, 而且要買機鐡飛先入得去check-in, 換言之嗰晚要坐機鐡入去.
至於你話遲少少, 睇你有幾遲囉, 登機閘口會喺起飛前十五至廿十分鐘關門, 遲到就算check-in咗都會off load你出嚟唔俾你去, 總之你起飛前廿分鐘到登機閘口就得, 注意係登機閘口, 唔係叫你廿分鐘前先到機場, 一個唔覺意60幾70號閘入咗閘都要行廿分鐘.
個counter喺邊? 你坐邊間airline先?
2007-08-10 00:46:52 補充:
機鐵無奧運站, 你睇咗東涌線.如果你搭東涌線由奧運去香港/九龍/青衣轉返機場快線, 咁奧運至嗰三個機鐵站(當然係其中一個你無可能香港又入一次機鐡閘, 九龍又入一次機鐡閘)嗰程就會free, 淨係收你機鐡錢.唔知咁答你明唔明~but anyway, check-in 喺得香港/九龍有, 唔闗奧運事, 而且重點係你一定要坐機鐡先可以享受市區check-in嘅服務.本人認為唔係方便得幾多, 除非你喺中環做嘢, 朝早去check-in, 晏啲開完會直接入機場, 咁唔駛帶住舊行李開會, 咁就咁做, 唔係嘅話, 一般人都無必要俾咁貴坐機鐡或者喺機鐡站check-in