我想問分打咩位??

OMF-
SMF-
CF-打最前既前鋒 呢個難講d~好多能力都可以打呢個位~eg:頂得~~把握力高等等 (好似亨利 波格迪)

WB-自由人 可以勝任好多位既~通常係左右閘~左右中場~防中等等 (好似oddo)

DMF-防守中場 攔截力高~身材健碩~頂得 (好似基拔圖施華)

st-

WG-wenger~唔知係唔係翼

CB-中堅 頂得~轉身快~ (好似蘇金寶~阿當斯)

SB-左右閘~可以上前助攻又有一定既防守力阻止對方邊路球員出波~推入禁區等等 (好似艾殊利高爾~森保達)







另外仲有ss-輔鋒~即係好似朗尼打緊個位咁
cwp-清道夫~有咩波一腳清

amf-進攻中場 最緊要有創造力~即係發動攻勢既能力

wf翼鋒~打最左右邊接近底線既位置~放係左右中場前一格 有具備前鋒同左右中場既能力~必要時突破入禁區或分波

kp~keeper~

足球球員位置英文全寫和簡寫

位置 原稱 簡稱
守門員 Goal keeper GK
左後衛 Left side back LSB
右後衛 Right side back RSB
左後衛 Central back Defender CB
清道伕 Sweeper SW
中場 Central Midfield CMF
防守中場 Defensive Midfield DMF
進攻中場 Offense Midfield OMF
左右中場 Sides Midfield SMF
左/右翼 Wings WG
輔鋒 Inside forward ST
中鋒 / 前鋒 Central Forward / Striker CF


以下為一些位置的介紹：

門將（Goalkeeper）（又稱守門員）：足球運動中與別不同的位置，每隊球隊只有1名門將列陣。門將的職責只需防守，防止敵人把皮球射入網，門將也是場上唯一允許在禁區內以手接觸皮球的球員。
經典例子：耶辛、舒米高、卡斯拿斯

中堅（Central Defender）（內地譯：中後衛）：這位置通常站於門將的前方，在一般情況下中堅是站於防線的中間位置，職責是阻止對方攻擊球員射門；中堅都會參與進攻，但通常是在後場長傳，或藉罰球、角球助攻。
經典例子：阿當斯、泰利

左/右後衛（閘）（Fullbacks）（內地譯：邊後衛）：負責球場兩側防守，主要任務是阻礙對方球員把皮球從邊線傳送入禁區，以免對方攻擊球員在較接近門將的位置攻門；大多數閘位球員均會後上助攻，令球隊的進攻更立體化。
經典例子：加利尼維利、馬甸尼

左/右翼衛（Wingbacks）：負起更多助攻助守的任務，他們的前方或後方都不會有球員作掩護，故往往負責了整條邊路的進攻與防守。由於這位置是融合了後衛與翼峰於一身，所以他們需額外付出更多體能。
經典例子：卡路士、森保達

清道伕（Sweeper）：這是由意大利人創造出來的位置，他們站在防線的最後及門將之前，負責包抄和執漏，把防線漏洞減到最少；而這位置同時要負責指揮球隊防線布出越位陷阱。
經典例子：維祖活、巴里斯

自由人（Libero）：清道伕的進化版，技術全面，既要進攻，也要協防，基本上沒有特定的活動範圍，這可說是混合了清道伕、進攻中場和防守中場的於一身；但時至今日，自由人已逐漸罕見。
經典例子：森馬、碧根飽華

中場（Midfield）（內地譯：中前衛）：負責連繫進攻與防守的球員，通常站於球場中間的位置，但由於要兼顧攻守任務，故他們的活動範圍往往由己隊禁區至敵人禁區。一般中場球員既要控制球隊節奏，也要負責攻門和攔截。
經典例子：夏格維斯、費比加斯

防守中場（Defensive Midfield）（內地譯：後腰）：中場分支出來的位置，善於剷截，較少時間參與進攻，控球時也僅以「搏腳」為主；沒有皮球就盡力破壞對方攻勢，協助球隊拿回皮球。
經典例子：鄧加、恩斯、韋拉

進攻中場（Attacking Midfield）（內地譯：前腰）：主要負責進攻職責，為前場的隊友製造入球機會，甚至自行射門；作為進攻中場，創造力、洞察力和傳送技術均是基本需求，防務卻是次要。
經典例子：慕拿、朗拿甸奴

全能中場（Complete Midfield）：進攻中場與防守中場混合體，沒有特定活動範圍，技術需要極全面，除了負責搶奪對方腳下球外，也要組織進攻、遠射和入楔等，效率至上。
經典例子：謝拉特、林柏特

左/右翼（Wings）（內地譯：邊中場/左右前衛）：負責為球隊前線提供彈藥，通常站於球場的邊線，在他們後面有左右後衛協防，故他們可盡情進攻，或協助閘位球員疊瓦性進攻（OVERLAP）；還會在球場兩側為其他中路球員提供更多傳球選擇。
經典例子：簡察斯基、列巴斯基、傑斯

輔鋒/後上前鋒/影子殺手（Inside forward）（內地譯：內鋒/後上中鋒）：後來稱為「withdrawn striker」（影子殺手），活躍於敵方中場和後防之間；意大利的輔鋒被稱為「Trequartista」，意即非中場非前鋒的位置，進攻意識較一般中場強烈，但卻負責串連球隊進攻、射門和在中鋒的掩護下攻門。
經典例子：基艾沙、迪比亞路、普多斯基

中鋒（Forward）：任務簡單，把皮球送入網；柱躉式中鋒通常都比較高大，背龍門控球，使用身體保護皮球得以取得攻門機會，並掩護隊友攻門。
例子：費迪南、韋利、希利

前鋒（Striker）：有的是圍繞中鋒身邊活動，有的走在最前期望突破越位；當然前鋒也有很多類型，如射手型是在門前靜待機會；竄擾型是勤力跑動、技術型是能憑一己之力扭入禁區射門等。
例子：連尼加、奧雲、朗拿度

OMF - 進攻中場身為球隊司令塔, 必需要有良好球賽閱讀能力, 可以為球隊舖橋搭路組織攻勢, 亦要向前鋒作出準確既傳送; 控球能力極為重要, 一來可以因應情況作個人強行突破, 二來身為球隊進攻命脈, 控唔到球等於無法為球隊創造攻勢以及埋門機會. 速度反而次要, 可以以技術彌補速度上既不足. 現役球員例子有阿根廷既列基美, 日本既中村俊輛, 巴西既P祖連奴

SMF - 以往側擊中場主要負責邊線傳中, 所以斬波傳中係最基本要求, 但近年有側擊球員係主力利用球場闊度拉散對方後防線既緊密度, 然後伺機作中路入楔尋求破門機會. 除此之外亦會負責中場兩側既防守. 有時需要hold波, 等身後既兩閘作出叠瓦式助攻, 利用球場兩側既空檔為其他中路球員提供更多既傳波選擇. 所以呢個位置對速度, 控球技術, 傳送精度, 體能方面相對地會提高. 負責邊線傳中既現役球員有英格蘭既碧咸, 意大利既甘莫蘭尼斯, 皇馬時期既葡萄牙球員費高; 作中路入楔既現役球員有瑞典既龍格保, 近年移居右路既塞黑球員史坦高域, 荷蘭既洛賓. 兩者皆可既有威爾斯既傑斯, 瑞典既韋希姆臣, 巴西既文仙尼

CF- 中鋒主要係為球隊破門得分. 可以分為桂躉型及竄擾型. 柱躉型通常都係球隊主力射手, 呢個位置一定要頭頂腳踢皆能, 身位力量較強, 同埋理所當然要有埋門把握力. 因為要利用身材高大, 制空力較強既優點倚靠頭搥頂入邊線球員既傳中球取得入球或者以頭搥向其他埋門隊友作出二傳, 而身體平衡都重要, 因為除左高空轟炸之外, 亦需要有o係禁區成功搶點射門既把握力. 現役球員有意大利既東尼, 荷蘭既雲尼斯達萊, 科特迪瓦既杜奧巴; 竄擾型由於身材唔及桂躉型強壯及高大, 所以比較著重控球, 腳法, 盤扭技術同速度方面. 通常以速度衝散對方後防為隊友製造傳球路線, 快速入楔接應中場球員既直線傳送, 然後作出個人盤扭, 殺入禁區尋求射門機會, 又或者為前鋒拍檔甚至後上球員作出最後一傳. 現役球員有烏克蘭既舒夫真高, 法國既亨利, 巴西既朗拿度

WB - 翼衛通常出現於3-5-2陣式. 雖然名叫翼衛, 但賓際上係擺放於"5"名中場當中, 亦可視為中場球員, 因為身後已經有3名中堅及1-2名防守中場主力防守工作, 所以翼衛既職責以進攻為主. 主要係球隊進攻時負責邊線助攻, 球隊防守時需要回防協助3名中堅進行兩邊防守. 除左要有高速度以及上乘既剷截能力, 最重要絕對係體能既要求, 因為隨時90分鐘比賽全程不斷跑上跑落. 盤扭技術反而比較次要, 因為翼衛助攻既時候通常都處於邊線快放突擊既情況, 所以單憑速度已經足夠翼衛快速爆落底線為球隊傳中製造機會. 不過除左助攻能力之外, 都一定要識得回防, 起碼返後拍住3名中堅, 對方既傳球路線會大為收窄. 有現役球員有巴西既卡富, 西班牙既安東尼奧盧比斯, 阿根廷既J辛尼迪

DMF - 防守中場既工作同中堅接近. 身為球隊後防第一道防線同進攻中場一樣需要有良好既球賽閱讀能力, 路數要好, 可以預測到對手既傳送路線或突破形式加以進行攔截, 搶番個波, 破壞對方既攻勢, 未能破壞攻勢亦至少可以打亂對方既進攻節奏, 名副其實既破壞王. 不過因為要經常跑動走位進行破壞性工作, 體能方面既要求亦相對地增加. 進攻方面要求並唔會太大, 拎到波之後都係作出一d簡單既傳送. 而傳送能力及後上策劃能力比較top既防中球員可以為球隊製造反擊機會. 現役球員有法國既韋拉, 意大利既加度素, 西班牙既巴拉查

ST - second top, 影子前鋒. 介乎前鋒與進攻中場之間既位置, 必備條件大致上係兩者既混合體, 所以需要進攻中場具有既良好球賽閱讀能力, 準確既傳送能力, 上乘既控球能力; 亦需要前鋒球員既破門得分把握力, 帶波過人既盤扭能力, 係傳統既9號半球員. 現役球員有意大利既托迪, 巴西既卡卡, 西班牙既路易士加西亞

WG - 翼鋒既工作類似側擊中場, 主要都係負責邊線傳中或者作中路入楔, 但以速度壓過對於後防球員然後落底線負責邊線傳中為主, 同埋唔似側擊中場咁需要回防助守, 通常歸納為前鋒球員. 翼鋒著重於盤球突破既速度以及傳中準繩度, 一般有速度有傳中能力既已經係稱職既翼鋒. 現役球員有西班牙既祖亞昆, 葡萄牙既C朗拿度, 保加利亞既馬田柏度夫

CB - 中堅主要職責阻止對方球員(尤其前鋒)策動攻勢, 同时封鎖對方控球進入己隊禁區. 必備條件首選攔截技術一定要出眾, 包位要夠快狠準, 球賽閱讀能力以及路數要比防中更好, 因為通常中堅都係o係禁區內進行剷攔, 如果出錯腳一個唔小心犯規剷跌對方球員而輸12碼就大鑊. 控球及傳送能力就比較次要, 反正中堅主要職責係瓦解對方攻勢, 搶到波之後隨便大腳清走已經可以. 如果身材高大制空力強既話就更perfect, 因可以因應己隊既死球戰術後上助攻以頭搥破門得分. 現役球員有意大利既尼斯達, 英格蘭既泰利, 西班牙既佩奧爾

SB - 兩閘既工作同翼衛大同小異, 要係球隊進攻時負責邊線助攻, 球隊防守時需要回防進行兩邊防守, 所以高速度以及上乘既剷截能力係必備條件, 同樣地與翼衛一樣, 盤扭技術反而比較次要. 除此之外偶爾都要配合側擊中場作出叠瓦式助攻, 利用球場兩側既空檔為其他中路球員提供更多既傳波選擇. 所以呢個位置對控球技術及體能方面要求亦係相對地提高. 但係除左助攻之外, 一定要識得回防助守. 巴西卡路士及科特迪瓦伊保爾都試過上前助攻, 對方反擊時唔回防, 結果不守本份之下令球隊失波. 伊保爾於前屆歐聯決賽正正因為上前唔返後助守而令阿仙奴被伊度奧追和. 兩閘現役球員有英格蘭既艾殊利高爾, 意大利既森保達, 愛爾蘭既芬倫





希望幫到你