應該要點去練100米?

練速度耐力!!!
點練???
我而家上緊南華個暑期田徑訓練班,我報左短跑,速度耐力差唔多堂堂都有練,有幾種方法,一種叫321,先用6,7成力爆300米,之後慢行到200米起點,用6-8成力再爆200米,跑完行番去100米起點,特別要注意,精華就係呢度,你點都要爆埋個100米,因為你"耳"經處於一個極疲勞GE狀態,而且好缺氧,如果你爆埋個100米,不久,你GE速度耐力就會提升,你會發現其實100米係好少,當然,都要經常練,唔係一兩次就會進步!!

仲有一種冇咁辛苦,先用8成力跑3次150,每次跑完後慢行番終點,利用呢段時間回番少少氣,跑完3次後再爆一次200米!!!

上面我講用幾多成力其實都係我個人練果陣個方式,唔洗跟住我,因為每個人GE心肺耐力都唔一樣GA MA!!!

其實道理都係得一個,要你習慣享疲勞狀態下跑,因為好多人輸都係輸最後!!!

本人認同樓上的練跑方式
因為本人都練過類似的

不過除了樓上所說的練法外
還可以跑100快100慢 直路跑 彎位緩步跑(運動場)
盡可能做到1分10秒跑連休息 做6次 即係運動場3個圈(平均每個100米都要under 17秒)

不過講成效都係練200米好
因為跑200米 唔用全力又好慢 用全力又跑唔到好多個
練200米即係200快100慢 2分10秒跑連休息 做4次 (平均每個都要under 34秒)

以上的都是入門練習方式
如果適應左 可以慢慢將個速度增加 或者將休息時間減短 亦都可把次數增加

p.s. 一個星期練2-3日 隔日練 自然就有成績
但係如果你要盡快練到 一個星期練4-5日吧
但係一定要做好熱身動作 不然好容易受傷

你最好練左體能先。如果你無體能,咩都唔得。同埋要有良好的飲食習慣。你要練100米,唔好練慢跑,要練爆炸力。你跑個陣,把身體所有力量爆哂出黎,用最快去跑。最好日日練,一開頭可能會好辛苦,但持之以恆,最終會有很好的成果。約莫練4個星期,就可以見到成果。一日練的時間根據你的能力,練到倦(一開始練15-30分鐘),之後再慢慢加上去。加油!!!!!!!!

一開始由慢跑到怏,每天加速就得啦!!!
記住每天練o(唔好強行)