✔ 最佳答案
唔理係1級定8級，都唔洗一定背的，我考8級那時都冇背
背左的話只係「可能」會高分d
因為有d考官會認為演奏者應背譜
但唔係個個考8級的都係演奏者
如果格硬要自己背，但到時影響左表現，咁仲衰多幾錢重
不過點都只會高好少，maybe 1分咁大把
佢見到你背左可能加一分，但冇背就一定唔會扣分
總括黎講背唔背係要睇你的性格&習慣啦
如果你性格比較「騰雞」，就唔好迫自己背啦
怕到時緊張，個腦空哂，彈到一半停鬼左，嗰時都唔知你好唔好再打開書彈過
如果你可以淡淡定的彈到全首，咁倒沒問題
而且你都8級啦，之前的考試有背嗎?
若你一向都有背的習慣，咁應該背埋今次都沒差
但若你一直都冇背，e家到8級先背，會增加緊張感喔，到時影響表現唔好賴呀
你量力而為就可以架啦，背到就背，背唔到就算啦
將d心力放係其他部分仲好(scale, arual, sight-reading)，特別係scale & arual
提醒你喔，考試時就算背都一定要帶考試書出席的
你可以唔打開佢，但一定要有書
-----------------------------------------------------------------------------------------------------------------
如果你真係想背，主要方法有二
第一，用腦背，真係要記清楚每一句每個音喔，逐句逐句慢慢背
第二，用耳背，日聽夜聽嗰3隻考試歌，聽到發夢都背得出，
練的時候打醒2億分精神用耳仔聽實自己彈的歌
不過無論你係用乜方法，練習時都唔好信哂自己，即唔好一直都唔睇書
最好係一次背、一次睇書咁練
人的記憶唔係咁信得過，周不時背背下，背左個錯的版本都唔覺
------------------------------------------------------------------------------------------------------------------
我唔係一個適合演奏的人，因為我一緊張個腦會短路，即冇啦啦空白一兩秒
所以我就算已經背好哂，但考試or表演or比賽時都會放本書出黎的
求個安心冇壞啫!!!!
