積極人生如何產生

唔使特登搵目標啦,你食得走得訓得,各樣都好好,唔好唔開心!

積極就係活得開心,多d幫助身邊的人
如果有目標就一步一步咁實踐,覺得難的就再分細步d,一定做得到~

吾好迫自己,你個心態會不停會變,你終有一日個心會有一團火好想好想積極,現在無火,可能你有一日突然個腦有樣野閃過,真係諗通左,個人有番目標.

推介你聽電台, 港台有個節目叫“星空奇遇鐵達尼”,
是由麥潤壽主持的, 他鼓勵人的經驗十分豐富,
而有時也會很出力鬧人的。
缺少行動力方面,
試下多聽勵志歌,
雖然老土但十分有效。

你的問題，我諗人人都有，我以前都係咁。

行出第一步就係定個目標，個目標要合理和實在的，唔好太長期，最理想係一至兩年內可達到的。咁你都可以定一些好短期的目標作為實習。一定要有目標，乜目標都好，就算係要學煮一手好菜都可以。

第二步就係周圍同人講及商量，一來可以問人地的意見，幫你計劃下，二來當人人都知你的計劃時，佢地就做了你的監察人，久唔久會問下你的進展。你的自尊會令你唔衰得，成為你的動力。當你成功了，大家都為你高興，再慶祝下，咁你的自信就會增加，你自然又會再定下一個目標。

第三就係要將計劃分割開不同的階段，其實有小小係改變每日的習慣，比如你想學炒股票，就要逼自己每日睇半個鐘財經新聞，做到後再逐漸加時間。另一個好例子，我聴過保險經紀的訓練，會叫新入職的同事每日用各種方法令自己認識一位新朋友，以攞到電話為準，訓練佢地同陌生人溝通能力及唔怕羞。我覺得這一步好緊要，細水長流能穿石。

總括就係決心，信心同毅力。

希望幫到你。