急急急 倉鼠的問題

A.倉鼠其實係獨居動物,,唔適合多過一隻咁去生活,野生既鼠都係交配先走埋一齊好短既時間,鼠鼠係好有佔地盆心態,一齊住好十分易打交既,所以一個住唔會覺得悶,仲會好好多添

B.人既藥水的確係唔適合鼠鼠,但唔太多未必有事,但唔好再用會較好
你話佢冇左d肉,又流好多血既,我建議你都係帶佢去睇醫生較好,唔係好易有細菌感染等問題

若唔睇醫生可試下做以下既事:
1)流血既話用藥用棉花咁住傷口,用外傷既藥同佢搽,小心唔好整到眼耳口鼻
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地三隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下.
愛護動物協會診所資料:
http://www.spca.org.hk/chi/vet/vetclinic.html (需入會)
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院
Tel: 2687 1030 地址:大圍積信街75號地下
http://www.taiwaiexotic.com/

C.將兩隻鼠放去好細既地方當然唔係咁好,缺乏運動好易令鼠鼠麻痺及致肥既
佢地去到新既地方,會好不安並唔出奇,加上之前有打交既事發生,所以情緒都會較不安
我覺得最好搵兩個正常D既籠分開放佢地,尋日打傷細隻既,難保到半夜佢地又再打生打死,而且一男一女有繁殖既可能,暫時三隻鼠都未有好足夠既地方去安置既話,繁殖一大堆就好難再處理了

D.細隻既鼠一個並唔會覺得寂寞,一定一定唔好再放第隻鼠落去,唔係第隻鼠會乘佢傷而再打佢OR佢太驚打新既鼠(特別係新既鼠多數比呢隻再細)

E.真係好希望你可以考慮一下一籠一鼠,繁殖及一籠多鼠實在好多問題,建議原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

黃藥水對佢有冇害嫁

有害嫁,快睇醫生!