✔ 最佳答案
冇咩特別方法架喎...係咁keep住有一個規律既訓練囉。
每日放學之後跳繩,跳 3sets 每set跳2分鐘,做完1 set之後抖15秒咁。
除此之外,仲要練掌上壓同埋sit-up,掌上壓岩岩練可以試下10~15下一set
一日做3sets~ 每次做完抖10秒~ sit-up 可以每set多d,做20下。
又係做3sets。 咁樣keep住日日做,心肺功能係兩個禮拜之後一定有顯著既提昇
當然仲要練跑啦,每個星期兩次,一次可以練慢慢跑,練長氣d
跑番9個字~1個鐘,放鬆去跑,唔好爆-口-"要均速
練得幾次可以試下快少少,快少少咁。每次跑都數圈,跑得快左會有滿足感d
另一次可以練1500米,要計時,用7~8成力去跑,
跑完要索氣既,心跳可能會有150-170下一分鐘,
(跑完要自己量度脈搏,睇下自己一分鐘幾多下心跳)
如果仲係120~140,可以下次再出力跑快d。
每次跑完記住抖呀-口-",好攰架,抖番15分鐘up,
之後再黎多次。咁樣做3次。
跑完可能會好辛苦,辛苦先証明練到野架~
咁keep住練一個月之後一定有6分鐘以內啦。