蒼鼠BB...again

有d唔明題目,食幾多次都食晒d bb,但你分開左bb佢點食?
係唔係分開過再放埋一齊?
鼠b係要到戒奶後(18-21)先可以同鼠媽媽分開既,呢個時候分開,係唔會鼠媽媽有咩影響,因為鼠媽媽對鼠b既感情,係去到鼠b戒奶,之後就唔會再當鼠b係自己仔女咁看待

唔知你既鼠幾耐之間生左幾胎咁多,生bb對鼠鼠係有好大既傷害,令鼠媽媽身體愈唻愈差,身體差就好難會有足夠既奶俾bb飲了

加上之前有兩胎你都將bb同佢分開,對佢唻講會覺得bb會有機會好似之前咁俾人拎左去,咁鼠媽媽為左bb唔會好似之前咁俾人搶走,就會寧願自己食左bb都唔出奇

其實鼠鼠食開自己既bb,之後都會較大機會會繼續食,所以真係好希望你唔好再要佢生啦,生過bb既鼠會短命d,又易有子宮腫瘤,仲已經生過幾次..

不過食bb都有唔少因素,唔止話唔好掂bb咁簡單,記得之前答過你,但長氣d講多次,希望你明白:(加上係新一條題目,也要對應問題而回答吧)

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

2007-08-04 14:27:01 補充：
其實如果鼠b死晒,鼠媽媽冇理既,係可以掉左鼠bb既屍體,唔係既話就會有好多菌了但如果有部份未死既,就唔好理佢先得

因鼠媽媽覺得四周的環境不安全，所以牠基於保護bb的原因，情願吃了自己的bb，也不給別人傷害自己的bb。若鼠媽媽再生bb，不要再攪牠，只可遠看，當然在牠還未生之前，要為牠預備一條毛巾，要不易走紗那種，或預備多些糠，再預備充足的糧水，使牠覺得有安全生產環境。