心律不正常(最快跳180下每分鍾)

有時做靜態心電圖係無用架，我提議你去私家醫生度做一個運動心電圖，會睇得詳細D，而且而家政府有經驗嘅醫生都自己出去掛牌，政府醫院醫生的質素無保證。有d心臟毛病未必會致命，但都會影響你日常生活，我好耐以前有心房心律不正，個心又係成日無端端亂跳，食咗兩三年藥之後唔知點解又無再番發，可以唔再食藥。但三四年前又出現另一次心跳突然加速到180多下，仲持續咗成個鐘，個次我咁啱係一間私家醫院附近，於是走入去睇急診，心電圖顯示個心有另一個問題(唔詳細解釋喇)，結果今次食藥都唔得，最後要做手術解決。用咗好多錢！

果時醫生教我，如果個心突然亂跳，可以試下：
1.起身慢慢行下，唔好坐低；
2.飲冰水；
3.大力咳嗽(要咳到肺都甩個種)；
可以幫助調節心律。

但如情況無改善，就最好到醫院打支針，以防跳到心臟衰竭。下次病發，最好立即入急症，然後叫佢轉介你睇專科。

保重身體！祝好運！

2007-08-05 13:54:57 補充：
其實有時心臟病同心理病只係一線之差，如果儀器都查唔出你心臟有問題，你不妨想想你會否在一些特定的環境下特別容易心跳加速，例如乘坐電梯、飛機、人多的地方、幽閉的空間等等，如果是的話，你可能需要一個心理醫生而不是心臟科醫生了。希望你早日康復！