有關學琴.......................

我覺得好睇個人想點
如果你想繼續學, 你要諗下你學落去目的係乜野, 考試? 定係求其搵d野學? 或者考埋8級樂理?
通常好少人會學番自己原本程度, 因為學學下就會覺得好悶, 悶到你會對鋼琴再提唔起興趣
如果唔學住, 但又想遲下先學番, 我就可以肯定同你講, 大部分一停左冇學 (雖然話遲d再學番), 基本上得少數人真係再學番, 因為停左唔學, 成個人係會懶左
我覺得私人學同琴行學, 老師都差唔多, 因為老師係會配合你要求, 你最好係你想你自己點做, 而唔係你想老師幫你諗埋你應該點做. 如果你覺得琴行催你考試, 就係因為你冇同佢地講出你想點, 佢地當然會以為你想繼續考上去.
我覺得你不如學多一種樂器, 起碼你有音樂底子, 學第2樣樂器係極易上手, 而且用好短時間可就以考埋張8級證書, 我識得好多人本身已有8級鋼琴, 佢地全部都可以用半年時間學其他樂器, 而且已經學到5級程度, 快普通人好多倍. (我自己都係)
學多一種樂器係一種趣味, 擴闊你對音樂的認識領域, 因為音樂唔止局限於鋼琴上.學多種學器, 會令你生活多d姿彩, 中樂又好西樂又好, 真係好好玩.
況且, 而家有一個社會情況, 最緊要周身刀(唔一定要張張利), 你可以認為呢個情況唔多健康, 但係呢個確實係一個大趨勢, 通常人地一開口話自己識多種樂器(可能程度一般), 聽起來係犀利過只係識得鋼琴(即使程度已經係高級)
當初我跟私人考完8級後, 有一段時間唔想考試, 但有繼續跟私人學, 但覺得咁樣學法好乏味, 好似咁樣學法其實冇咩意義. 考埋diploma之後更覺得自己琴技根本不外如是, 所以, 我去學其他樂器. 對新樂器有新鮮感, 人生馬上有番目標.

畀個下電話我,我同你講my e-mail:[email protected]

當然你應該學下高級啲野先　之後考高級d既試
我自己都係咁，，
我今年１３ｙｅａｒｓ　ｏｌｄ　我準備考文憑

既然已經考左~~~梗係學進一步o既野啦!
其實私人學同係琴行學...差別唔會太大囉~
而家兩種情況...好多都由學生要求點學法
但好多時琴行哥時會狂逼你考囉~~
目的係狂加你學費
我自己私人同係琴行都有教~~
所以....都幾清楚下...哈哈~~