航空公司地勤做Airside 定Landside好呢? 急~ 急~ 急~

通常航空公司o既 CSO 都會分 LANDSIDE 同 AIRSIDE，最大既分別就莫過於工作既地方啦，LANDSIDE o既主場最主要係禁區外，同埋抵港層既轉機處 (行內俗稱 INTERLINE) ﹔而 AIRSIDE 就成個禁區都係佢地地頭。

工作方面，LANDSIDE 同事大多數係負責做 CHECK IN o既，不論係 COUNTER 或者 INTERLINE，將行李過磅係 COUNTER 常見既動作。好多時亦會接觸到證件 (或簽証) 檢查，收過重行李費 (俗稱EB)，簽發 FLIGHT INTERRUPTION MANIFEST (行內簡稱 FIM，係當客人有機票上既問題先會用)；仲有一樣大家應該會最常見既工作，就係企 QUEUE GREET 客喇。

至於 AIRSIDE 喇喎，做o既野就多咯。除o左做離境機果陣會係閘口收取客人登機證過機(叫 BOARDING GATE READER，登機證閱讀器) 同機票外，係閘口大家成日會聽到果D廣播 (我係指 “各位乘客早晨，呢個並唔係登機廣播，請大家留係原坐，歡迎乘搭XX航空公司XX___號班機.......” 果隻 ANNOUNCEMENT) 亦係 AIRSIDE 同事做o既其中一樣野。 做DPEARTURE機最重要既野就係要睇下實際客數同電腦入面既ACCEPTED數對唔對，唔對就會好大鑊，所以各位(準) AIRSIDE 人要切記、切記！

講完 DEPARTURE，就梗係要講講 ARRIVAL 啦。 接機，顧名思義，就真係接機，但係都唔好睇少呢樣野以為係小兒科播。 有足夠轉機時間o既客就可以指佢地去特定地點上過 SECURITY 到離境層，或者去轉機處辦手續。唔夠時間o既 (通常係指 ARRIVAL TIME 同 DEPARTURE TIME 相距只有或少於一個鐘) 就要同個客跑去閘口或者轉機處 (視乎個客有無下程登機證啦當然)，呢D時候打尖係指定既動作，無論係 INTERLINE 或者過 SECURITY 都係咁話因為你真係好趕，同其他 AIRLINE o既同事打好D關係會對於做呢樣野唔多唔少會有幫助！

咪淨係以為咁就無喇，AIRSIDE 仲有樣o野係未講o架，就係要執“屎”喇。 咁咩叫做 “屎”呢﹖其實呢個又係行內 Refused Landing o既簡稱，係指一D因為證件問題而滯留既客人，其實呢個 TASK 無咩特別o既，只係將個客o既所有證件 “對”俾移民局o既阿 SIR，佢地就會搞 o架喇，我地最多都係會問個客身上有無 $$ 去買機票o既唶 (當HK 移民局話呢個客唔可以繼續 TRAVEL 而要翻去原來佢o黎o既地方o既時候就要問D客呢個問題)。 不過大家唔使驚話呢樣野聽落好似好難做，其實就唔係既，到時真係唔知應該做乜就打個電話番 OFFICE問下掃把啦！

好喇！講左咁耐，其實大家係咪仲有樣o野想知呢﹖等我而家開估啦，做 GROUND 同做CREW 其實o係 BENEFIT 方面係一樣o既，假又係咁多，機票都係咁多，唔同期除o左做既野之外就梗係人工啦。 至於你話邊個部門會學得多D野喇喎，講真其實係無得比較，因為係真係截然不同o既兩回事，每日每班機所會遇到o既野都唔同，鑊鑊新鮮鑊鑊金，各有各精彩，所以係比較不能。但如果你要我真係揀一個既話，我就梗係賣花讚花香，話GROUND 好D學得多D啦！要做一個企得穩o既 CSO，除o左體力要好、EQ 要高、腦轉數要快之外，當然仲要對份工有熱誠啦。所以唔好俾電視所俾o既錯誤訊息誤導你地，無論係“沖上雲霄”定係“天空之城”都只係好表面、好表面咁提起呢個行業o既性質而已，淨係睇到D演員著起套制服好似好「型」咁，希望真係多D對呢行有多D認識既人o黎投考，唔好等入得o黎呢行o既又話唔係想像中那回事，到時又周圍唱衰呢行喇！

聽fd講兩者既salary會same. OT多d架. Uniform會一樣. Training 既幾個星期係無allowance架