我呢個陣容好唔好? 352

３分

龍門贏波有４分，如可保清白之身，再有５分。阿仙奴贏波唔難，但較少唔失波。後防同上屆原班人馬出擊，或有進步，不過始終主攻，唔似車路士利物浦以穩守為先，如有錢，可貴少少買拉爾拿（J. Reina）。

後防同龍門一樣，保清白之身有５分，泰利雖貴，但穩陣之餘角球又偶有斬獲，如非上季受過傷，一定唔止10.55呢個價；至於費迪南，建議可換佢拍擋維廸（N. Vidic），平少少之餘仲要有入球能力；布朗則要睇睇爭唔爭到正選。

中場方面好有問題， C. 朗拿度, 拿尼(蘭尼), 伊高斯, 史高斯四位有冇可能經常一齊上陣？如晒錢要個強隊後備，倒不如要弱隊正選，起碼場場有一兩分執吓。

前線托利斯新登場，未有往績，平價搏得過！禾確特就未必有正選，入球率又唔標清，得個平字，雖有潛力，但始終建議開季後先睇表現再考慮。