聖三一ATCL Piano考d乜?

1. 一首有星星 加上 兩首冇星星, 即係共3首,
要限時23-27分鐘內彈晒3首歌, 超過時間, 考官有權叫停你, 或者會扣分,
所以你在選曲時, 要注意歌曲的長度及歌曲 (或你可彈得掂)的速度!
通常有星星的歌曲比較長, 所以佔的分數會比較多 (30分)
冇星星的歌比較短, 每首佔分比較少, (每首15分), 共30分,
所以呢Part 共佔60分

2. technical work 意思係, 一係揀scales來考, 一係揀多一首練習曲來彈, 並不是sight-reading呀! sight reading 係另外一part!!

究竟揀scales定係練習曲來考, 就要由你自己或者你老師幫你決定, 因為scales 要練好多野, 淨係練佢要求你的每種彈法, 已經有五六百款咁多, 但係, 佢d練習曲雖然唔算長, 不過就幾難練得好.
你係到入去考試時, 個考官先會問你係考scales定係考練習曲. 不用在報名表上說明.
3. ear test 係好似皇家8級aural, 但當然呢個ATCL 的ear test 係難多d啦, 我覺得係ear test 的第4,5題幾難, 尤其係第5題, 根本唔同皇家aural, 而且要腦筋轉得好快先得, 我自問aural麻麻地, 所以我係要個別搵專教aural的老師學三個月先至ok.
如果你自問aural 唔係好得, 你最好另外搵老師, 或者叫你鋼琴老師幫你加堂博命練
不過, 呢個atcl 的ear test, trinity係有出書講個ear test考試內容同例子, 附送埋cd, 都係百幾蚊, 柏斯琴行有售.
4. programme notes 係全部歌一份, 例如你考3首歌, 你每首歌都要有一篇文章介紹那首歌, 即係共寫3篇, 但係3篇都打在同一張紙上.
考atcl performing全份加埋好似係唔可以超過200字 (如果我冇記錯的話), 考atcl recital 好似有另外字數限制. 你最好睇番個syllabus簡介, 裡面一定有寫明.
考試時個rundown:
入到去先同考官打招呼, 跟住俾個考試歌影印本同programme note佢, 然後佢會指示你坐底, 同埋佢問你考考試歌先定係technical work先, 第3樣就係考sight reading, 最後係考ear test, 佢會問你考ear test 定係考即興 (即係另外一part), 如果你考ear test 就照講ear test 就得, 佢會好似皇家考aural咁, 叫你企去一邊回答問題!
咁就考完啦! 成個過程都要係40分鐘左右完成, 超時過多或者時間過少都會有耭會扣分.
p.s. syllabus話 sight reading 程度大約係7級鋼琴歌程度, 但我就覺得似5-6級, 個人認為呢part幾容易.
如果你有問題, 最好同你鋼琴老師商量, 始終佢實會有經驗教你點揀歌同考試技巧