死後的儀式真的．．．．．

好平都得.

我相信儀式大部份係為仍生存的親友做的.是心理治療.安撫作用.
當然我唔排除一d對死後靈魂的神秘作用.不過呢方面我都係相信內心祝福更有用.

通常都係跟過身者同仍活的親友既執著同偏好來定.
有d人好堅持土葬, 有d人最怕土葬, 有d鐘意回歸大海….
有d道教儀式, 有d佛教, 有d基督教….

其實不也是心安,尊重便可?

如果比我揀, 最好著番平時d牛仔褲tee shirt, 又舒服, 又環保, 又style.
用環保棺材 ( 衣家有得賣, 不過唔係好平.) ( 如果包張蓆都可以火葬我都唔介意.)
火葬 ( 唔駛將來又要執骨.同埋腐化過程都幾恐怖.)
骨灰散落海. ( 唔駛拜, 邊個有心既, 就對住個海祝福下.)

不過….我d屋企人未必可以接受…要點攪就由得拒地啦.
儀式大部份係為仍生存的親友做的, 對過身者, 祝福係最好既.

大自然既野, 大自然會處理.
我又唔信唔做咩儀式就會變無主孤魂.
咁未有發明呢d儀式之前,d人點算?

其實每種禮儀都有背後的意義的

喪禮的初衷本是作為尊重死者，以及撫慰親屬的哀傷

所以喪禮就像婚禮、升國旗等等

表面上做不做也一樣，實際上每樣儀式都能表現自己對該事項的尊重

再者，這世上有很多東西都不能用錢來衡量的~對不對？

其實人死左會是怎樣根本無人知;
不同的宗教有不同講法;
信上帝會上天堂; 信佛會輪迴咪...... 信就有; 唔信就無~

我覺得死後所做的儀式做後死者是否真的有得著真是無人知;
但在世的人個人一家會安心好多才是真的.

不過其實儀式所用的$$, 可以不用6,7萬甘多,
只要懂得什麼要做, 什麼可以不做;
因為好多人都唔識, 所以d 人講做咩就做咩,
才要用甘多$$,
我有人只用若2萬多少少已經做得好好;
當然什麼都唔做是最便宜的方法~