狗狗腳仔有問題

🐈 寵物台狗

pet

2007-08-04 1:11 am

我隻chow chow 13yrs, 肚入面已經有一個好大的腫瘤, 隨時都會爆。
可以自行進食, 飲水, 大小便及精神唔錯。

但近2日佢起唔到身, 四隻腳仔無力, 同佢按摩又唔覺得佢會好痛, 何解???
佢仍然有胃口, 有精神, 但大小便就要我用毛巾圍住佢肚dum抬起佢痾。

是否係個腫瘤影響, 還是.......

請多多指教

ps 佢無跌過, 不過曾經有關節炎, 不過今次唔好似係關節炎。

回答 (6)

iris

2007-08-04 5:35 pm

✔ 最佳答案

唉~~狗狗有事, 做主人0既梗係擔心啦! 你冷靜啲, 喺度擔心都冇用. 我想問吓, 你話佢個肚有個瘤, 隨時會爆, 一爆就冇命嘞喎, 點解唔嘗試做手術割咗個瘤呢? 係咪醫生話佢年紀太大, 唔適宜做手術呀? 而家咁0既情況, 難聽啲講句, 咪即係喺度等死?
至於佢四肢冇力行唔到, 以我個人認為, 應該同個瘤無關, 我諗佢係關節退化引致. 當然, 呢樣嘢要由獸醫診斷啦! 兩年幾前我隻狗狗得咗重病, 我至知係我同家人的疏忽, 令佢病得咁辛苦, 雖然我哋已經盡力醫佢, 但發現得太遲, 最後都救唔返. 而家諗返起, 仍然非常心痛及自責. 由嗰陣開始, 我就睇好多關於狗狗疾病及護理的書, 所以雖然唔識醫狗, 但對於佢哋0既病徵及病後護理, 總算有少少心得. 等佢睇完醫生, 確定係乜嘢病後, 你可以email俾我, 留低聯絡方法, 我到時再同你傾吖! 我真係希望可以盡力幫吓你同狗狗呀!
如果你隻狗狗已經唔行得, 講真吖, 情況真係唔樂觀! 佢可能以後都係咁! Sorry呀! 請你原諒我講得咁直接, 因為你話想有心理準備嘛.
你星期日帶佢去睇醫生呀? 睇完醫生後, 你可唔可以覆個email俾我, 等我知道佢0既情況呀? 因為我都好擔心佢呀!
我會為你及狗狗祈禱的!

👍 0 👎 0