點算好,有關速成同倉頡輸入法

梗係練倉頡啦! 對你第時搵工好有幫助呀，而家好多公司請人，其中一個條件係要打倉頡快而準，就算你速成打得幾快，佢哋都唔會請呀
圖片參考：http://hk.yimg.com/i/icon/16/9.gif

初初打倉頡係慢少少，你試下同人玩msn或者自己對住報紙嚟打，慢慢就會愈打愈快。我自己打倉頡就當打機一樣，好好玩。每分鐘可以打到100個字(只要有恆心、鐵柱可以磨石針呀!!)你學識倉頡大把工等住你去做，速成多人識得打，你識打倉頡就可以擊退所有對手。(你有咩字唔識拆或者想學甚麼打字秘訣，可以寄信問我)

2007-08-03 16:48:44 補充：
練倉頡o既最關鍵﹕就係背熟晒啲碼，係要記英文，記英文會印象深刻啲!!!(好易咋，真嫁)

我個人認為學倉頡好,打速成有d字要揾下係邊個位,打倉頡快又唔駛揾,如果倉頡唔識o既話可以買本倉頡字典,每日睇幾頁或姐查下唔識o既字泥睇,不過速成都有佢o既好,速成淨係打倉頡o既頭尾碼.其實識打倉頡就等如識打埋速成咁,一舉兩得.

當然打倉頡好過速成啦。當你打熟咗及練習多咗既時候，倉頡係會比速成既快，因為速成要選字，所以建議你多練習倉頡會好些。
ps: 雖然你打倉頡暫時打好耐至出到一個字，佳因你仲未熟識對一個字應怎樣拆碼，當你對倉頡熟咗既時候，你會自自然然一睇那一個字就會懂得怎樣拆碼，所以你要努力練習打多啲就會打得很快啦！！
加油！加油！！
希望幫到你啦！！
圖片參考：http://hk.yimg.com/i/icon/16/67.gif

長遠來看, 打倉頡還是好一點 ...

其實速成同倉頡的取碼方法是一樣, 只不過, 倉頡要拆解得多一點 ... ... 所以感覺上較麻煩, 然而, 打得多了, 便會很容易拆碼 ...

若打速成, 開初一定會快過打倉頡, 但當你熟練拆碼後, 打速成每次可能出十多二十個字讓你揀才成, 可是倉頡就只出一至兩個, 所以會很快 ...

例如： 感 --- 倉頡 > 戈口心 = 感 / 怠
--- 速成 > 戈心 = 弋庇怠祇恣能鹿惑惑態慼憑應龐廳庀忒庛 ... 30 多個選擇

現在, 我是用倉頡打字的, 一分鐘平均至少也能打 60 字 ... 所以, 只要你 keep 住打, 你對解碼很快便沒有困難的 ...

雖然我個人係打速成，但就唔建議新手練打中文o既人練速成，因為而家打慣左速成，要打返倉頡我就慢到好似隻龜咁咖喇!

好似學車咁，學左棍波先，之後再用自動波都唔洗再考過個牌丫嘛，而且還掂都係要學咖啦，梗係學左樣正統/較難(倉頡)o既先咖啦，咁之後你要用較易o既(速成)就更簡單了。

穹實上，學倉頡初初果陣可能會係慢d，而且亦煩d，但其實當你打熟左之後，就真係會比打速成快d，因為唔洗揀字，而且有部分字其實只有倉頡有，速成就無o既。

我建議你先學速成，熟左先學倉頡！
我都係架！

我自己認為學速成,因為速成,比較簡單,先記頭尾好字碼分拆,
記熟之後.方便你學倉頡