獸醫診所推介

我都係住屯門區的, 希望的o既經驗幫到你啦... ^_^

1.緊記千祈唔好去 "維多利", 佢地好差, 無料到, 庸醫囉.... **( 為免成下一個受害者, 請參考 -- 4.' 在 "維多利" 的可怕經歷' ) ;

2.東方: OK o既, 佢有兩個醫生, 都係台灣嚟o既, 其中胡澤堅比較有耐性; for your reference : 我最近隻貓個腎發大, 分別睇咗東方嘅胡醫生, 俆正雄診所O既梁醫生(因為俆醫生生放大假直至年底至出年一月) 以及 梳亞道寵物診所o既DR.TINT, 三個醫生O既診斷都認為係腎臟淋巴癌, 而呢種癌症即使照超聲波都好難肯定, 醫生只可以憑經驗判斷, 既然東方o既醫生都唔錯, 又在屯門, 所以最後我都選擇同貓貓去東方覆診 ; 註 ** 胡澤堅醫生93年開始掛牌, 都做左十四年架啦 **

3.置樂就唔太好 : 有人話佢"lert"水, 有人話個男醫生好差, 不過又有人話個女醫生好好 (唔記得叫乜名lu,星架坡人嚟o既) .... 不過我隻貓睇過個女醫生一次 : 事緣我隻貓因為便袐, 我見咁近, 又話個女醫生好好, 所以咪去囉, 果次女醫生同貓貓驗血之後, 跟住就用手捏個貓肚檢查, 話 : "佢腸內積咗好多糞便, 仲好硬, 無其他方法, 一定要開刀攞出嚟 " {** 註 : 其實無霈開刀, 洗腸已經可以....**} "我心想: 咁小事要開刀? 嚇到我死, 於是我即刻去第二間再睇, 就係好差o既 '維多利' 嘞.... ;


4. ** 在 "維多利" 的不快經歷 :
記得前年我隻貓貓便袐咗3日, 我一發現就帶佢去 "罝樂獸醫診所" (睇2.), 由於我唔想開刀, 所以去咗 '維多利', 醫生話唔需要開刀, 食4日藥先, 佢自己再去唔到就同佢洗腸清便便,4日過去, 佢都便唔到, 再去見醫生, 醫生表示好多好硬o既便便在貓肚內, 一定要洗腸, 咁就洗啦, 洗完之後, 醫生又話, 由於有一半便便仍在腸內, 所以吩咐我一日同佢塞三次甘油泵放便同食滑腸藥, 兩日d便便就會清晒咁話; 於是, 返家後我照做, 點知塞咗一日三次o既甘油泵之後, 隻貓便袐未好晒, 卻開始好難呼吸, 氣喘到死下死下咁, 我大驚, 唯有嗱嗱聲同貓貓再去 ' 維多利' 睇醫生, 當時醫生將我隻貓睇完又睇, CHECK 完又 CHECK, R晒頭咁, 最後佢話: 未知貓貓乜事, 佢要留醫觀察加吊鹽水, 另外, 我地會繼續同佢用甘油泵通便.' 我唯放低貓貓啦. 好嘞, 到咗第二日, 我去診所o既留醫間睇隻貓, 但見情況一D都無好到, 仲差咗, 直頭已經氣踹到奄奄一息, 我好驚, 於是問醫生點算, 由於佢地覺得好嚴重 (其實係佢唔識醫), 所以搵咗多一個醫生, 共兩個醫生睇我隻貓, 點知佢地兩個亦係將我隻貓睇完又睇, CHECK 完又 CHECK, 仲討論咗一大餐, 攪咗一大輪都係一副R頭樣, 跟住同我地講, 仲未知隻貓為乜會咁, 跟住叫我出去等, 等咗三兩分鐘後, 姑娘叫我埋去 .... 真精彩, 你估佢同我講乜呀? 佢居然話: "你隻貓唔洗再留醫啦, 因為我地唔知隻貓佢咩事, 加上我地呢度好忙架, 亦都無時間照顧佢, 你不如帶佢走, 我地理唔到佢架啦.... " 我聽完呆在當場, 就係咁, 我前後O係維多利醫藥費洗腸費留醫費診症金用咗差over3千蚊, 症無睇好, 仲比人趕走... 真係一殼眼淚....

跟住, 我即刻同貓貓去旺角見 '俆正雄' 醫生, 徐醫生真係好叻, 一睇我隻貓就知佢係肺炎, 仲話我知原因係貓貓使用咗過量既甘油, 其實一日頂多可用一次, 並且話我知貓貓腸內已經淨番好少硬便便, 除非佢自己去唔到, 否則幫佢用多一次甘油泵就得, 絕不能過量,; 跟住, 我隻貓食咗俆醫生嘅藥, 第二日已經精神番, 第三日已經便秘肺炎都好晒啦.

維多利寵物診所
電話：24597217
地址：德正圍18號海盛大廈3號

呢間收費合理, 我最近搬到屯門, 有朋友介紹嘅, 而且我覺得佢地唔會拖証囉, 第一次Feel到醫生係有愛心嘅, 呢點係最緊要的

屯門幾乎沒有很好的獸醫..(個人覺得), 如果只做打針同body check都不打緊,東方的不用考慮去, 很差.. 其他還可接受

要是睇病的去找間有信譽的好呢..eg. 大圍珍禽

屯門區的獸醫診所(共有4間)：

1、置樂動物診所
電話：24301758
地址：彩華花園13號地下
Mon-Sat：10:00am-1:30pm，3:30pm-8:00pm
Sun及公眾假期：10:00-17:00(星期三及勞工假期休息)

2、彩虹獸醫診所
電話：24309581
地址：良田村58號地下
Mon-Sun，10:00am-1:30pm，3:30pm-8:00pm(星期四休息)

3、東方獸醫診所
電話：24419816
地址：良田新村新秀街103號
Mon-Sun：09:00am-1:00pm，3:00pm-6:00pm(星期二休息)

4、維多利寵物診所
電話：24597217
急症電話：71163282 (a/c8929)
地址：德正圍18號海盛大廈3號鋪
Mon-Fri：09:00am-1:00pm，3:00pm-8:00pm
Sat-Sun：09:00am-1:00pm，3:00pm-7:00pm(公眾假期休息)

獸醫診所的網址：
http://www.castle-of-dogs.com/vetnt.htm

2007-08-04 20:04:46 補充：
維多利寵物診所 好！