自己的男朋友比較重視佢的同性或女性朋友,應該點做

其實又唔使咁悲觀話佢以後都冇得改既~
你都話你同你男朋友只係拍左拖一個星期左右~
試問佢又點可能喺一個星期內改得到佢一個培養左幾年(我估咋)既習慣呢~係咪?
你自己都未必做得到啦~
你話佢唔理你感受~我覺得唔算係囉~起馬當佢聽到你同佢講出個問題時~
佢話佢會改~咁就已經唔算係唔理你啦~
其實有時候我覺得你應該比啲時間你男朋友~仲要體諒下佢~
可能佢啲朋友喺你地傾緊電話既時候不段比說話佢聽呢~
例如話佢重色興友, 有異性有人性咁...都未定架~
咁你話啦~你男朋友夾喺你同佢朋友中間~咪重辛苦~

比啲時間佢去改啦~~亦都要比啲時間佢朋友去接受你同佢既關係~
你想佢重視你多啲~唔係淨係坐喺度諗就得架~雖然啲人成日講男仔要主動啲~
要付出多啲~但係其實女仔都可以架~主動去關心你男朋友~多啲進入佢既內心世界~
了解下佢心裡面諗咩~始終佢同佢朋友咁多年友情~同你只係armarm開始~
一定冇咁快可以取代得到架~我同我女朋友armarm開始嗰時都係咁架~
但係關係lee樣野要經過相處~溝通~了解~接納~信任~好多好多步驟先可以穩固架~
唔好咁快就放棄呀~除非你已經唔鐘意佢啦~

比啲時間大家啦~

其實你應該俾次機會佢。

你做佢的friend

你話佢唔在乎你既感受
咁我又唔覺得你有幾在乎佢既感受喎
你只係想佢重視你
就要求佢改佢一直以黎既習慣
你同佢咁樣落去
你男朋友真係好辛苦囉.......
有一個完全唔在乎佢感受既女朋友
真係好慘架
你淨係識得要人改
你有冇為佢改d咩????
兩個人一齊唔係淨係要男仔改呀嘛????
你好自私囉......
如果你真係鍾意佢
你應該在乎下佢既感受囉
唔好成日係度話人地唔在乎你
人地個fd生日
你識唔識佢個fd先???
好唔識,或者唔熟
你男朋友根本就唔應該叫埋你
但係佢叫左
你自己話考慮下,聽日答
咁你自己第二日就答啦
又要問???
好明顯唔係佢冇預你
係你自己發神經冇答人咁囉.........
佢係等你自己答
唔想煩到你....
而唔係唔想你去..........
同女朋友傾計唔想俾d fd見到好正常喎
我都係咁
=.=同女朋友傾電話果時好自然就會係度傻笑..........
俾d fd睇住一定係度嘈:xxx溝女呀,xxx威啦,拍拖啦!!!!
之類既無聊野
都係講返果句
你應該理在乎下佢既感受
先好要求佢在乎你囉
(有d咩講錯歡迎你補充)

我的朋友.. 情況與你差唔多... 不過角色調轉...
我的男性朋友 認為女友成日只顧與她的朋友玩, 經常唔理他
他女友 是 民安隊 經常要操練及假期要當更..
加上 有時 他女友與她朋友一齊玩 很少叫 佢 一齊..

其實他們同居有5年 加 拍拖 合共 8 年.. 但今年年頭我朋友決定 搬返出來住
現在他們 分居 冷靜下 是否繼續下去.. 女方亦話會改... !!!
(我就問朋友 你們一起都有8年 , 你亦清楚女友性格, 為何現在要佢改呢 ?)

不過 我的男性朋友 其實 很愛 她.. 真的想佢 改變 顧下家 顧下佢感受..

如果你與他現時剛開始... 若真的不能容忍佢的疏忽關心..(因你男友是重朋友多/向外型)
因為人的性格是很難改.. 除非你能接受 .. 若果不能就早早分手..

我相信你還年輕,, 有的是機會... !!