這樣算不孝嗎?(由於答2題,有15分)

１　我覺得男方可以比小小父母，say $500-$1000, better than none.　父母唔會求你比錢佢哋，但如果你比小小，佢哋會覺得你心目中的家庭，除咗自己的家庭外，還有佢哋．唔係結咗婚就只有自己的小家庭，而忘記咗佢哋呢個你住咗廿幾卅年的家庭．　另外，你比小小佢哋，你的父母都會覺得你生活應該都可應付，（否則又點會比佢哋），　咁佢哋又唔會咁担心自己個仔的生活．佢哋依家唔係同你一齊住，想知多d自己個仔的野，可能就靠呢d小行為．　

２．　減少付家用給娘家，我個人覺得不是不孝，正如我之前講父母唔會求你比錢佢哋，　多與少，只是一個心意，令佢哋知你尚有這個家的觀念，他們也樂意與你一起因有了一個小孩子而減收你的家用．因為佢哋都會認為自己也是你哋屋企的一份子，為孫兒貢獻了小小的幫助．

希望幫到你．

1. 不算, 因為俗有云 : 老豆養仔, 仔養仔
2. 不算, 因為有小朋友真的好大開支, 我覺得父母會諒解

個人意見:
如果兩人(父母) 家庭經濟狀況不俗, 感情又良好的話, 其實可以同兩老商量一下, 每邊比一些(1,000~2,000), 因老人家有時硬性要收家用, 只是滿足心理 .... 最後, 都係會用係啲子女或孫身上....

1不孝?不唔不孝我諗呢個答案應該由佢父母作答
假如佢父母十幾萬個月 相對地個仔得果萬2蚊 比著你係佢父母
你都可以叫佢唔使比家用啦
又假如佢父母加埋先搵得一萬 佢自己一個都搵萬2
唔比又好似唔多合理 比少少都要啦
佢不唔不孝我諗佢父母先最清楚 而且佢地感情又唔係差
其實孝唔孝順要用錢黎行量既咩?

2女方已經有一子 人工又唔係高
如果女方真係經濟上唔多掂而要求減少家用我覺得好正路
唔通迫到自己冇後路借財務咩
但如果減家用既心態只係因為有個仔但一樣有能力既話
咁樣要求減家用就真係幾衰

其實不孝呢樣野 真係好多野都包括在內
你睇下出面d人 有d人剩係識個個月比妤多錢做家用
返到屋企對家人呼呼喝喝 唔通佢地叫孝順咩?咪一樣係不孝
有d人本身自己窮 連自己都係岩岩好夠用 雖然比唔到錢家人
但勝在對家人好 屋企有事第一個返去睇返去幫手
唔通佢因為唔夠錢比家用就叫不孝呀?
你有少少用錢去睇孝順程度.....
當然亦都有d父母係好貪錢 希望你家人唔係啦
用錢去睇孝唔孝順真係好膚淺 孝順係用心唔係用錢
錢只係照顧上既幫助而唔等於係孝順

我個家都好窮 老豆知我冇多餘錢比家用佢
唯有我個個禮拜煮飯佢食 佢自己一個住
我得閒就打下電話比佢 得閒又同佢傾下計
老豆同我講過 雖然我用唔到錢去照顧佢
但佢知我有心去孝順佢佢都好開心
我同老公博緊命搵錢買到樓諗住同老豆一齊住
我唔想佢自己一個孤令令

其實人地點睇你係咪不孝唔重要 最重要你有冇心
有時都要睇成件事 唔係單一睇錢咖
希望你會明我講咩

1. 算是不孝。有云「樹欲靜而風不息 ； 子欲養而親不在」這話說明了什麼，你應該明…
有能力的話又為什麼不供奉呢？可知父母養育我們的偉大嗎？儘管父母身家萬億也好，
你給他們多少的家用也只不過是隨你們的心意。試想想：日後你兒子長大了你會要他的
心意嗎？
2. 唔算不孝。父母不會把兒女當作搖錢樹，他們有能力解決經濟的話也想全部不收。不
過，既是 你的心意他們也會欣然的接受。說實在一點，他們只不過是收下來作儲蓄吧！
當他們百 年歸老時，這筆款項最終還是落回你的手裡。
＊＊＊他們還可以和你們聚多久呢？＊＊＊

不比家用不代表不孝, 家用只是子女對父母養育自己的心意表示. 每個家長心中不孝定義不同, 要視乎你們家長的看法.

1. 男方家長沒男方付出的家用也可如常生活, 那家用只代表感激養育心意. 不付家用都不代表不孝. 那心意可用另一種方法表達(non cash)

2. 不算不孝, 女方只要令其娘家明白為何減少金額, 他們應會諒解女方. (如娘家有為女方著想).

兩條問題，我一次講下自己意見。

首先，金錢同家人關係不是有關的。不俾錢照顧父母，不代表孝的表現。俾亦唔代表孝。

這只是一般中國人社會自己所想的。係西方，根本無這傳統。

因為中國人講求集體，即使結婚之後，供養父親是必然。但西方講求個人，所以兒女大了，離開父母獨立，不供養他們，是正常的。

我覺得，孝唔孝的問題，唔係我們去衡量，係由當事人和當事人之父母去界定。即使身邊既朋友覺得男係唔孝，但當事人同其父母覺得唔係，就無問題。

這是沒有必然答案，視乎你自己觀點。

1. 比較上來，男方有點不應該。（因為女的把大部分都給父母）但我不會說男是不孝，既然男家家裡經濟不俗，我覺得男方不給家用也不是甚麼問題。男方跟家裡有協議 / 雙方默認不用給家用也是有可以的，看見孩子能自給自足，（我想）父母應該也很安慰吧。其實我覺得給家用有點兒是形式上的問題（父母家裡經濟有困難者除外），把關心實物化 / 形式化吧。出自內心的關懷較金錢重要

2. 有了孩子，家裡開支自然會增加，要減少給家用也是可以理解的，我認為不算是不孝。父母都會知道 / 明白養孩子需要錢吧。況且你說家庭經濟狀況不錯，父母也不是等著女方的錢過日子，我認為沒問題。

況且你說，二人跟家的關係都很好，那樣子的話，金錢其實本來就不太重要吧

我覺得父母會想子女多關心自己多過純粹給家用吧，光是給家用而不關心不見得很孝順吧。所以有沒有給家用、給多少不需過份執著（太過執著好像是說父母只往錢看的）。子女長大了，在各種環境因素下，自然會離父母越來越遠，我想父母應該會更想多看見孩子而不是看見大額鈔票 / 支票吧。

女方only俾$自己娘家??
如果d錢岩岩夠用,,屋企人都唔想你地辛苦俾家用喇

1. 唔算~ 咁屋企人又唔係指明要你俾~ 自由既姐~ 所以唔算

2. 都唔算~ 咁你地都要生活加麻~ 屋企人唔會只係講金唔講心咖~