智慧齒...痛

1. 我都剝過一隻, 痛唔痛其實睇人, 基本上唔算痛
　因為其實牙醫會打麻醉針,
　雖然無針刺既痛, 但會 feel 倒隻牙有d 壓力, feel 倒人地 gill 緊隻牙
　我個人怕痛, 所以都覺得痛痛地, 同埋我好唔鍾意 d 鑽鑽聲

2. 其實洗唔洗切牙肉係視你隻牙生成點
　應該唔關係咪露晒出黎事
　咁牙醫會同你照 X 光先
　聽講隻牙生得"咩", 打橫生0個d, 係要切,
　即係張隻牙切開 4 份
　呢個好似要去d 牙科手街室做架　
　所以我個人覺得無咁好
　我係成隻牙起既, 好似好 d

3. 我之前都聽過人地話上下一齊剝
　所以我都有問醫生, 佢話唔一定架
　至於會唔會因為無左隻牙, 而係咁生, 都係唔一定的
　所以我覺得都係睇個醫生視乎你既情況而定
　佢未必覺得需要, 咁就唔使喇~
　佢最後都只係幫我剝左一隻
　但我 d 牙無因為咁而係咁生呢 (剝左 1 年倒)

最後想講, 還是及早睇
因為我0個次痛到成晚訓唔倒, 成晚用冰敷先得
第 2 日我即刻要去睇!
剝完唔痛, 0個晚好開心呢~~

同埋如果你去 d 出名既牙醫
分分鐘要等 1 個月!

剝牙痛唔痛..我諗係牙醫技巧..
會打麻醉藥嘛..如果D藥未到..醫生就落手咪痛D..
剝之前要照X-RAY
剝完一定會腫會痛..但醫生會比定止痛藥&消炎藥你..
其實你最好去睇下牙醫..好多屋村牙醫診所好多都免費檢查..
醫生會比建議你..你可以考慮下價錢同整唔整..
快D去睇啦~^_^