想請問鑽石介指

要睇下你買鑽石係想點, 如果只係for定婚用, 唔會話要保值既話(有d人諗住第時要賣或換其他野)就會有好多選擇 :
(1)邊度買好同平o的?
唔話要保值既話, 係尖沙咀近婚紗街有好多唔屬主流既鑽飾店, 佢地價錢會平d(唔駛俾埋做廣告費ma). 你可以叫埋d有買石經驗既人同你一齊去, 無咁易入左騙人既商店.
(2)around $20000 以下有咩選擇?同買到咩貨色?
我老公求婚個隻都係尖沙咀買, 1卡左右, 肉眼睇唔到有瑕疵,唔係最白but ok. 約$20000, 乎合你價錢喎. 其實自己戴唔諗住賣既, 一般肉眼睇唔到有瑕疵, 睇落唔覺得黃就ok, 因為你俾咁多$買粒好靚既但係細細粒, 女仔收到之後緊係無收到粒大既咁開心啦. 人地唔會攞住個放大鏡同色版去睇你粒石架, 一般人只係睇大唔大粒之麻.
(3)請問八心八箭既切割係o米靚同閃好多,如愛飾珠寶購買好唔好?
八心八箭既切割係閃d, 係多左d反光面, 但唔係粒石靚d呀. 共實閃唔閃係唔同場合,唔同燈光下先發現到. cutting OK就得,唔駛要CUT得好靚好靚架, 平時都係會留意到你粒石有幾大架咋(當然質量太差cutting唔好既就唔好買啦）.
愛飾我都買過, 質量差到爆炸, 紅寶唔紅, 好似利賓鈉落得太多水咁, 淺紅色, 我係周生生求其買左隻2千幾既紅寶都好過佢, d鑽又唔通, 成日好似有陣霧咁, 我要求都唔係高, 係佢舖頭好多燈, 睇落都ok, 但出到街就唔同晒. 佢地d小姐service係唔錯, 但係我係買石唔係買service囉. 而且D款款好老士架, pink box d款仲靚d.

我就覺得要買就買好D質素的，唔支持只要大粒的觀念，大粒但唔閃無光澤，要嚟做咩？
有時肉眼係睇唔到瑕疵、色，但其實D瑕疵都會影響鑽石的折射。
八心八箭就一定係閃D，因為CUT得好，不過都要睇埋4C先知粒石係咪正。
http://www.edia.com.tw/page/4c.php
20000有好多選擇，睇下你想要D咩啦，如果要D色，VVS1，八心八箭，就應該有45-50份左右啦

1 HKPJ香港專業鑽石中心（尖沙咀美麗華商場）的鑽石不錯。
2 around$20000 有很多選擇。你重質還是重量？重質幾十份有，重量超1卡。
3 八心八箭既切割有普通八心八箭，有理想車工+八心八箭，後者是鑽石中的極品。

其實去邊買都會有好同唔好既鑽石~只要有証書就ok啦~
20000可以有好多選擇架wor~~~睇你係要靚色干淨~定大粒d啦~
八心八箭係會閃d~不過都要睇返鑽石本身質素

可以msn搵我傾下丫^^~
[email protected]

買鑽石去mabelle買
不過很貴

1. 我剛剛結婚, 覺得Mabelle 和 周生生的款式夠多和價格都resonable.

2. 你可利用下列website 查出20K budget可買到的鑽石介指
http://www.myjewelry.com.hk/NewMJSystem/CertDiamondSearchEngine/Rpt_CertDiamondList_External/Rpt_CertDiamondList_Index_EX.htm

3. 八心八箭既切割可令鑽石介面反射多了, 看上較閃

本人認為有Cert, i.e. GIA, 的鑽石較保值

1.買鑽石一定要去mabelle買
2.$20000有很多款色可供選擇
3.多切角係會閃好多，愛飾唔好(款不夠mabelle多及mabelle只是細細柆既石都好閃，亦都比較新穎)
4.另外mabelle服務好好，永久清潔服務(全港任何一間都可以)