問~賓尼兔

1-兔兔痾便便係愈多愈好架,最好大大粒添~~證明佢腸胃好健康,佢健康都幾好~~所以唔使擔心
2-會唔會有d草碎或者塵令佢打乞痴呢?呢d你要留意下,佢有冇鼻水架?如果有就可能係傷風啦,要俾獸醫睇下啦,冇就觀察下先啦
3-個圓形既野應該係草球,我都係用呢隻裝草,你都可以試下,我都見到有兔媽用有"lone"既cd架裝草,睇下會唔會好d?仲有唔好俾兔兔踩網底,咁樣好易生腳瘡,未識去廁所就用豬仔板啦,佢地企得舒服d架,草就一定有d浪費,唯有減到最少啦~~
4-廁所比較潮濕,兔兔唔鐘意,如果有人沖緊涼仲辛苦...一係放係你間房啦,仲有最緊要係知道你家人點解唔咁鐘意兔,跟住令佢地對兔兔改觀,仲有自己做好本分,照顧好兔兔啦
5-其實兔兔係唔使沖涼,佢地會自己清潔,如果hi到尿,可以用暖濕毛巾抹下,然後整乾,唔好用沖涼粉,俾兔兔lam左就唔好啦
6-可以擺報紙,但上面唔好用木糠,大塵又唔吸味,你家人仲不滿,用紙粒或者木粒會好好多~~

2007-08-03 00:33:45 補充：
想照顧得兔兔好d就要多睇書或者上下forum啦書:家有寶貝兔----------吳景施 著大書局有得賣啦,買定一本睇門口啦http://www.rosybunny.comhttp://www.mini-pet.com有咩唔識就問啦~~

2007-08-05 12:36:20 補充：
豬仔板都係有"lone"既板但係條邊比格仔板闊d,格係長方形既大約幾十蚊啦睇下老闆好唔好人幫你cut埋啦...但係我唔知tuen mun邊度有喎...但係旺角就一定有囉~~你可以上forum問下人既~~

2007-08-05 12:39:05 補充：
其實兔兔最好就係踩平地既如果兔兔識去廁所就最好啦~~

1.兔仔(或者倉鼠)的便便都幾大量o既, 應該ok
2. 我未見過兔仔打哈次, 不過可以係涷, 或者敏感 (食物, 墊料, 空氣大塵污濁等)
3.其實d草有返咁上下長, 唔會咁易跌曬落去架喎.....你個架太高, 定食開的草太短呀?
有種兔仔籠有一格鐵欄, 隔開d草...都幾好用
圓形那款未用過
試過放少少草係放兔糧o既 盤度, 都ok
4.廁所會臭親兔仔和濕得 濟 .........家人唔鐘意都幾無奈, 不過習慣左有機會接受o既,....
勤力d幫佢清潔, 唔好令家人覺得佢臭
收佢係個家人見唔到佢的櫃裡面 (不過要小心!!!!!!!!!!!!!當然 係要通度風, 同埋家人唔係屋企就要放佢出黎透氣)

5. 用濕布抺, 放少少水浸腳同pet pet 位置, 記得幫佢吹乾
6. 寵物店都係用木康, 我估ok的.....佢介紹用貓紙沙, 都幾好用, 但想慳d $$, so
now 係newspaper 做底, 加貓紙沙係角落, 再放木康係周圍.....可以隔開d報紙味
同埋要考慮個網係咪好疏同好高, 如果木康會周圍吹, 咁就newspaper+貓紙沙算la

會再夾少少雜誌紙,用雜誌紙墊底, 咁會少d newspaper, 少d 味, 同埋唔過底, 個底冇咁濕

1.兔仔只要有屎痾有尿痾屎係大粒既同埋唔係軟既都叫做正常..
2.呢個問題答你唔到..有時兔仔會唔郁但係其實佢都係休息緊..所以好難講..
3.你應該同佢換豬仔板..草本身會用草架盛住但係跌落去好難控制..只可以買d冇咁碎既草..太碎既你預要跌一半落籠底..or你o係草架下面加多個盤盛到跌落黎既草
4.咁你覺得你屋企唔中意兔仔點解你仲要養兔仔??你係兔仔既話迫你訓廁所你咩感覺??你一係搵圍欄圍住兔仔唔好比佢地周屋走..
5.兔仔係唔需要幫佢地沖涼..乾洗都唔需要..唔好講話濕洗..有d兔仔會驚水驚到一放落去就嚇死..同埋兔仔濕左水之後好易o係濕變乾既過程變左做濕疹..正常佢地會自己清潔..冇既話就搵濕毛巾抹抹完再抹乾d水..
6.報紙同木康都唔應該用...報紙唔吸水唔吸味..木康就容易令兔仔鼻敏感...你應該唔好用個網..然後買塊豬仔板..底下鋪吸水紙粒or木粒...

1.200粒,好似多左d,我隻6個月,無咁多,佢係唔係好大食ga,不過隻隻兔兔唔同嘅
2.我隻都會打哈,ok嘅,我成日都見到
3.用網就預左要做多d野,無計ge,不如買個廁所教佢用la,我試過用狗狗用的吸尿尿片,放係佢訓嘅地方,一但尿尿,就會吸晒,咁唔會令佢整到d毛,尿片係10蚊店有,10蚊8片,
4.佢地要d空間,係廁所住,,,,,,,比著你都唔會高興,你多d花心機整理佢,令佢可愛d,等家人可以分享到樂趣.
5.我間中會同佢沖,無計,佢d尿整到好臭,你唔一定沖晒佢全身,我成日都係放佢係浴缸,放一寸高水,等佢企係上面,不足五分鐘,會自動乾淨d,不過係冬天就千萬唔好沖呀,會病ge,平時用沖涼粉乾洗已經ok.
6.我以前都放木康,效果一般,我用左狗尿片

網上有網友比左好多資料我,不過有時係要靠經驗嘅,我最初養,有太多失敗經驗哪,曾經都想唔要佢,但有左感情就好唔同,而家,佢做錯野,我一大聲,佢就收到,馬上訓係度唔會走來走去.好得意.....

小白白主人