關於ive 揀科同埋學費資助問題...

steven

2007-08-03 1:36 am

我係今年會考生...等緊8月8放榜...

咁我就預自己拎10 - 13分左右....
如果無學校收就諗住讀ive...
不過有幾個ive問題,麻煩大家幫下小弟!

1)揀科問題,諗左幾日就諗住揀"工商管理系"既course讀,
因第時諗住都係從事商業方面,
但係,得一個高級文憑係政府資助,其他全部都係知專,但我想讀果d又係知專....
咁學費咪好金?..自問屋企都算窮,咁我係咪應該要揀第2科?

2)就係學費資助問題,我想問下知專課程係咪無得申請半免/全免學費既減免?
要咩資格?因為我中學時期書簿津貼都係全免的,有無關係呢?
如有,咁要幾時先有得申請 ?....因第一期學費都已經3萬多元

3)都係學費問題,假如我真係入左知專course,但係佢唔批資助俾我既話,
咁咪好大獲...我真係無錢讀架喎,咁唔通要走?

唔該晒幫忙呀!

回答 (1)

用戶135861

2007-08-07 12:32 am

✔ 最佳答案

1, 如果你真係想從事起呢方面既，咁我覺得你應該因應番你既興趣去選擇既。
至於「知‧專‧里程」課程既係自資課程，咁當然比起呢個政府課程貴喇！咁如果你有咁既需要既話，咁你開左學之後，都可以申請番學生資助辦事處既資助計劃既，咁所以學費方面你可以放心。

2, 其實書簿津貼同學費資助係差唔多既，咁如果你有咁既需要，政府果面都可以申請番全免或者半免，咁當然睇番你既家庭狀況喇！如果再唔得既，職業訓練局都有學費減免既，如果政府果個申請唔到，都可以申請職業訓練局果個。其實如果你話第１期既學費都大約係８千至１萬２千蚊度，而你講既第１期學費係成年既學費黎既！如果你要申請資助，咁就要開學喇！不過如果你第１期學費交唔到既話，可以同學校果面講聲，睇下有ｄ咩手續要搞，之後就等你申請到資助先再交學費囉！

3, 頭先講左，話可以申請職業訓練局果個，不過如果你之前申請既書簿津貼係全免既，我諗申請果個資助計劃都應該無問題既！如果真係再唔得既，都可以申請免入息審查貸款計劃，呢個就直情同政府借錢，咁等你第時出黎做野果陣慢慢還錢囉！

👍 0 👎 0