畫左眼線,,,要如何清洗???

眼部卸妝可以跟以下步驟去做：

1. 將卸妝品倒係化妝棉上
2. 將沾有卸妝品既化妝棉敷喺眼臉上，輕輕按壓，眼影、眼線等化妝品溶解
3. 往眼角方向擦拭，將化妝品卸除
4. 畫眼線既時候，會喺眼睫毛與眼睫毛之間上色，因此落妝要仔細d！最後以棉花棒沾取卸妝品，擦拭睫毛與睫毛間上了眼線既細微處

卸妝品有兩有大系：

1. oil-base
2. water-base

曾上過化妝班，老師話oil-base既卸妝品其實內含好多其他添加化學成份，用咗之後需要用更強勁既卸妝品先可以將佢徹底洗淨，如果唔係，嗰d化學成份好易殘留係皮膚內，久而久之，對皮膚造成傷害

她推薦咗一種water-base既卸妝品，強調可完全把彩妝卸掉、真乾淨、無需過水、不含香料、敏感性皮膚亦適用 …

我自己試過，用嚟落彩妝(包括眼影、眼線、睫毛液、眉、底妝等)、全部都掂！性質真係好溫和，值得推薦！牌子係 Bioderma 250ml，CitySuper賣HK$199/bottle (250ml)！上星期喺萬寧做promotion，HK$159/bottle (250ml)！值得入貨呀！

如果你覺得貴，有一種最平既卸妝品，讀marketing既人都會知呢樣嘢可以當天卸妝品用，又平又靚，其實各大品牌既卸妝油內大部份都係用佢呢做底 -----> 哈哈！就係 baby oil 囉！其實係煤油嚟架！約HK$30/300ml！抵！

可用棉花棒沾小小落妝水沿著眼線位輕力抹去,可試吓Loreal,約$40,幾易落.卸妝油反而難攪,.落完妝後再用棉花棒抹眼角位,一定乾淨.