邊種牌子的防曬最好用

其實隻隻牌子出既防曬依防曬度數計，品質都差唔多！好唔好用視乎以下各點：

1. 你的活動範圍
你要經常出外見客定一話只需要坐定定喺office？
* 經常外出見客既就要防曬度數高一點既，如SPF35度以上！
* 只需要坐定定喺office既，防曬度數底d都巳經可以嘞，如SPF15至SPF30！

2. 你的皮膚類型
* 乾性 - 乾性皮膚可以接受到用較高既防曬度數而唔會令到皮膚感覺太黐立立。因為一般防曬度數越高既產品，一定會thick一d！但千期唔好用嗰d防曬度數高，但又標榜好乾爽嗰種，因為一般哩類產品都加咗吸油份子，會令你皮膚乾上加乾，d紋就會出哂嚟！
* 中性 - 適合用既度數係SPF35度以下！唔會太黐立立，就算係戶外都可以適度咁保護到皮膚！
* 油性 - 建議搽既防曬度數唔好超過SPF20，因為SPF20以下既防曬產品會比較薄身，堵塞毛孔既機會比較少！

3. 你的負擔能力
* 一般貨架品牌 - 平、靚、正！e.g. Olay、L'oreal、Netrogena … 唔好睇小呢d品牌，佢哋d用料、生產技術等，一d都唔差！投資係產品硏發既金額，分分鐘多過專櫃既護膚品牌！
* 專櫃護膚品牌 - 包裝上會靚d！每一條line可能會標榜一兩種好似好特別既元素！但其實嗰種元素佔成個product中既成份不到0.01%！換句話講，例如佢話有人蔘精華喺裏面，但份量就少到不能再少，跟本對你既皮膚起唔到作用！就好係某d洗頭水話自己有珍珠成份呀、有維他命B原呀咁 …
* 醫生處方 - 有d皮膚科既專科醫生會按客人既皮膚溝出適合你既防曬臉部護理用品。係tailor-made當然會貴啦！大約預HK$1,200去調配一個月既份量啦！

有以下幾點要留要既：

1. 建議唔好用嗰d標榜乾爽既防曬用品，因為無論咩類型既皮膚，搽咗呢d乾爽用品都會令到皮膚分泌失衡而導致有可能出痘痘！

2. 不要一次過塗厚厚既防曬用品。一來不易皮吸收，二來容易堵塞毛孔。

3. 長時間在戶外活動的話，要按防曬度數而需要按時補充防曬。

4. 若出汗多既話，補充防曬既時間要頻密d。

5. 搽咗防曬用品，唔代表可以肆無忌憚咁喺陽光下曝曬。因為防曬用品只係延長你皮膚可能受到傷害既時間，並唔係代表d陽光一d都有傷害到你既皮膚！記住，搽咗防曬，d紫外線一樣傷緊你d皮膚，只不過速度慢咗！

*** 玉蘭油出既防曬用品，都係個唔錯既選擇 ***

個人認為

Estee Lauder, 防曬美白都好好

Oil of Olay's SPF15 Moisturizer

個人認為