✔ 最佳答案
如果你第一年已經掌握到拍子, 大細聲等問題
再用一年去練習二級鋼琴試考試歌同其他聽拍子等問題
我諗成年人應該好大機會pass到
因為二級鋼琴試畢竟唔係太難
二級鋼琴試歌曲有a,b,c part
每part有3首 即total 9首歌
但你只要每part揀一首就得 即係total考3首
每首歌一定要熟 一定要expressive
大細聲一定一定要有
有d歌可能要睇埋個作者同咩時期作而去加大細聲
例如巴哈Bach作d歌強弱對比一定要突出
另外, 3首考試歌之外
仲要scale, 只要流暢同平穩就得喇
不過可以適當咁加漸強同漸弱
例如上去就漸強 落去就漸弱
仲有sight reading
我個人覺得最難
佢俾時間你準備 就要盡快睇好d音 擺定手指
拍子要準 因應首歌的拍子 心入面數one and two and
如果有時間就要睇埋大細聲
呢part一定會有音彈錯 但千奇唔可以緊張
一緊張就更加錯得多
呢part好慢都唔緊要 最緊要岩得多!!
最後有oral 其實好簡單
普通叫你聽一d音 跟住la返出黎
仲有佢彈一首歌 就拍返拍子
then彈第2首歌 跟住問d問題叫你答
d問題都ok容易 唔會難得去邊
我認識既人入面 多數考完二級就考五級
當然, 中間要等一d時間
勤力可能一年至年半
一般成人學琴, 由一級考到八級, 可能要6-8年啦
其實只要努力練琴就可以好快考到
成年人手指力度同掌握技巧畢竟比小朋友學係較優勝
有心學, 就算要幾多時間都覺得值得
如果你真係考就祝你唔只pass, 仲攞高分啦*