點解我隻狗狗出現反常情況呢

這是我經驗之談,希望幫到你........我都有隻金毛11個月大,頭6,7個月便便都很順利,但大約9個月大情況和你一樣,直頭衰到我地要呢埋,佢先至肯柯,有時仲食埋D'便便,又咬 爛曬厠所D'屎片,好頭痛,自此之後我就檢討自己,找個答案......1)是否無太多時間陪99,佢想引人注意 2)尿片已有尿或便便,所以不想再在同一地方柯,因為99通常愛乾淨及乾爽 3)是否逗留在室內太久,因為金毛須要有運動,加上我覺得個衰女越大越有性格及脾氣,所以每天帶佢落街至少2次,等佢發洩一下,因為大狗不能像細狗般常困在室內 4)有無曾經好惡咁鬧佢或打佢,我就有,因為佢柯落地,所以用手打佢,自此一鬧佢就失禁,真頭痛.........一切轉變就由出街多咗開始,佢就再無在家大小便,怎樣也會忍住 (除非超過24小時 )..........但我隻金毛女嚟m時就無影響情緒......我唸你每天早晚抽點時間帶佢落街吧,就算要返工都要早d'起身,我唸這會有一定幫助,至於佢唔肯拾波波係咪因為鬧過佢,不過都係好小問題,最緊要係佢精神良好又肯食嘢,咁就不須看醫生

狗仔同人一樣有情緒問題,更加上佢m到,會有依啲咁嘅情況,你要同佢玩多啲鍚佢多啲,比啲愛心,對佢有獎有罰,如果家中有狗寵或圍欄嘅話你"運"住佢先,有改善時先放佢出嚟,佢嘅廁所有無改變,例如位置,尿片,佢用開嘅廁所有無換咗新嘅?你家中只有佢一隻狗仔定有其他狗仔同佢相處?有其他狗仔時,佢會霸佔地方,這是狗仔天性,解決方法只有"運"住佢,可能會殘忍,但只有一個辦法...我家都有一隻金毛女,佢依家兩歲,都係"運"寵,我放佢出嚟玩時佢都好乖,返入去大小便,佢身體無問題,佢心理有問題,你係主人,佢做咩唔對一定要嗌停佢,乖時對佢語氣溫柔啲,錯嘅時候對佢語氣重啲,咁可以比佢知咩係啱咩係錯//希望我個方法可以幫到你啦!!!

可能佢m來,影響情緒

其實我都唔清楚,不過你都係帶佢去睇吓獸醫好D!!