我朋友隻芝娃娃女呢兩日生得，有乜準備或留意??

請問你有冇帶它去獸醫做檢查? 如無請帶它去做一次檢查先.
因芝娃娃,松鼠等細型狗, 隨時因胎兒(胎兒如數小,相對胎兒就會大的)過大而需開刀的.
而在它生產時(它自己會找一個安静的地生產的), 當羊胎水破了後, 兩三小時內它也產不下第一隻, 就需立刻帶它到醫院. 如順產的話, 它自己會自然(天性)的食掉那胎盤及臍帶和清潔 BB等, 不過小心點, 因母狗自然生產的話, 因保護BB會變得兇的, 所盡量不要打攪它們.
而母狗亦因緊張而胃口減細, 所以要注意, 多給它補充鈣(如鈣粉,雞肉,牛肉), 而且要檢查它奶水夠不夠, 如不夠的話就要幫它飼BB, 及給母狗食點奶(奶粉開,不要鮮奶,因會肚瀉).
當然這幾天請把所有地方清潔先, 令它有一個安心生產的地點.
如真的要開刀的話, 醫院那邊會教你甚做的, 因開刀後第一天內, 母狗是沒有奶水, 可能要人代它飼BB的.

冇咩要留意,佢自己知道要點做,佢ngng聲可能佢第一次有點緊張及少少通呱,如果你驚可以去pet 店俾人睇住幾日,如果唔係自己留見佢多d,芝娃娃產量唔會多,都係一隻至兩隻,佢生時睇住佢唔會俾佢吊住唔出唔入就得,生完之後搵毛巾包住佢或者放佢係媽媽住,佢媽媽會幫佢清潔架la

至於生BB，一般貓的懷孕期約58-62日，生前要準備好一個地方(通常係籠或者紙皮箱），最好係佢認為安全，因為貓保護BB意識好強，佢怕生咗出嚟有人傷害佢的小朋友（特別係敏感或好神經質的貓）你去搞佢的BB，佢情願咬死晒都唔會比你傷害到佢！所以好多人話，唔好亂掂貓B！

好彩我隻貓生咗兩胎，但係都冇呢個情況出現！

如果接生要預準剪刀，線，貓用奶樽同奶粉，毛巾，熱水袋......

貓生BB其實佢所有嘢會自己搞掂，你盡量唔好幫手，佢生通常隔一陣一隻，可能會邊行邊生都唔出奇，但係佢生完的BB有胎盤包住，正常佢咬開食咗個胎盤同埋咬斷臍帶，如果你見半個鐘咁上下都冇咬，你用剪刀剪開，救小BB出嚟，然後剪開臍帶（同胎盤分開）約留2吋位，然後用線好緊咁打死結！

毛巾要嚟抺身，不斷抺B，因為佢哋出嚟幾濕，好凍冰冰，抺乾然後用熱水袋比溫暖佢哋，因為BB好易凍死，貓媽媽第一胎未必識帶小朋友，佢哋生完會休息，BB唔夠溫就死啦！

奶樽必要時先用，因為第一胎好可能唔知自己生咗唔識餵奶，我試過反轉隻貓媽媽（肚向天）然後將BB放上身，佢好自然比佢哋喺上面餵奶！

千祈咪貪得意自己用奶樽餵，因為貓媽唔識或唔鍾意餵你就好大獲，事關小BB每隔半個鐘食幾滴奶，你點每日餵呀？

仲有！如果貓媽媽生咗成個鐘都仲只係生到半隻的話，你就要睇急症！有機會難產，大小都未必平安，所以最好先搵定醫生的電話！

我喜歡用一個超大籠果住貓媽媽同貓BB，費事貓媽媽四圍走又唔記得餵奶等等，況且一齊住又可以取暖，方便好多，當然個籠入面要有晒便盤 / 糧 / 水...

同埋懷孕期間，到貓B戒奶為止，貓媽媽都要食幼貓糧去吸取多d營養......

每隻貓生之前都有唔同的先兆，最普遍係貓生前幾日，佢個乳頭可以必得出奶水，另外亦有醫生話生之前一晚貓媽媽唔會食嘢，但係我個女生咗兩胎都冇以上的嘢出現過囉！