sony ericsson w660i好唔好用呀?!

W660i 係一部掣就大大粒的二百萬像素無自動對焦無補光燈（其實都唔係好明點解當年初初有影相手機時就係人都加補光燈，宜家就唔加... ） 3G 流動電話。

AF - Auto Focus 意指「自動對焦」。

淨機行貨價錢約 $2,880 跟張 1GB Memory Stick M2 記憶咭。

其實睇你需要同喜好啦！
要同朋友仔玩視像、要上網、玩高速數據服務（仲要係 3G ，都唔係 HSDPA 3.5G 添）、要唱片封套咪 W660i 囉！

不過，如要 W660i ，不如諗諗 W610i 啦！其實 W610i 都幾好！二百萬像素、自動對焦、補光燈、 Walkman 2.0 介面、跟張 512 MB Memory Stick M2 記憶咭。影相、聽歌無問題！祇係行 2.5 G 唔係行 3G 囉！係啲掣幼啲啫！不過我都試過，又無想像中咁唔好㩒喎！又唔係好多人出喎（多數出 K550i ）！唔會一落街就同人撞款！都唔係無得諗㗎！價錢都平幾多㗎（現行貨售價約 $2,280 ）！