保衛"皇后碼頭"的示威人士

保衛"皇后碼頭"的示威人士當然是英雄
ＨＫ政府分明無能,　唔理會市民的意見

香港政府無能就係人都知啦, 但示威人士又確實係搞事喎, 香港不朽都有示威文化, 佢地咁做都無可厚非, 但佢地收到最後通牒, 就應該和平離場啦, 何必一定要勞師動眾, 攪到要調動大批警力來清場呢, 佢地明知咁做都幫唔到件事gar啦, 其實佢地靜坐同埋絕食都已經引起咗大眾注意, 已經達到佢地嘅目的喇, 何必搞到傷晒和氣呢, 我諗佢地唔會咁傻, 以為政府會因為佢地示威而唔拆碼頭掛, 可能班示威人士真係以為自己咁做好英雄啦, 但我就好唔同意喇, 因為咁做真係會累到人, 最起碼要班警察疲於奔命, 人地又要對付黑社會, 又要分神應付呢班示威者, 香港警察真係辛苦.
我覺得果班保育人士有時又真係過份咗D, 乜野都話係集體回憶, 連灣仔個街市都話要保留, 又無特色又唔係古蹟, 留來仲乜? 如果樣樣野都要留番晒, 咁香港就以後咩都唔洗發展喇, 仲點會有競爭力? 想唔俾其他東南亞城市超越都唔得啦. 做保育係好, 但都要平衡多方發展, 唔應該麻木反對, 為抗議而抗議.
我並無特別支持邊黨邊派, 亦唔係親政府, 不過我覺得香港真係有班人好麻木, 總之政府做親乜, 無論好與壞, 佢地都要嘈一餐, 其實我覺得呢班人真係要檢討下囉, 好多時 嘈 只會令事情變得更糟.