暑假遊行好去處(20分)幫幫忙啦

既然你既問題係中國旅遊既範圍出現，我諗你都係打算係內地旅行，不過就惆悵拎住$3000，4個人唔知去邊度好玩。
係度我誠意推介你到1d地方旅行，同時可以作你參考。雖然我唔知你幾多假期去旅行，不過以下既行程可加可減，到時你可以隨心去邊都得。

依d全部都係自己去玩，唔跟團。
1)方案<四川西北遊>($3000以下，包來回飛機﹑食宿)我計你到成都果日開始啦。

成都-->樂山大佛-->峨嵋山-->成都-->九寨溝-->黃龍-->成都-->海螺溝-->成都-->深圳-->香港

day1:到成都石羊車站坐巴士到峨嵋市，$30/人(*座位係亂坐，先到先得)2hours之後就到。
落車打的到峨嵋山風景區。先休息一晚，$50/人。
day2:早上到風景區內既巴士站買上山(雷洞坪既車票，$60/人)，上到雷洞坪落車，果度可以直接搭纜車上金頂。當日落山，先休息一晚。
day3:早上坐車到樂山大佛，下午就會玩完，再到成都，住成都。
day4:係成都新南門客運站坐車到九寨溝(7:30am前要到，一日一班。)12個鍾到。係九寨溝溝口住一晚。
day5:遊九寨溝，住溝外。(係溝外夜晚可以食燒烤，好平好味，仲有免費民族舞表演。)
day6:早上到坐車黃龍，中午到，下午玩完，再坐返車到成都，夜晚先到達成都。住成都。
day7:係成都新南門客運站坐車到海螺溝，當晚住螺溝。
day8:海螺溝一日遊(可以浸溫泉，睇日出金山)
day9:返成都，再坐飛機hk


成都係四川既交通中心，全部景點都係可以係成都坐車去到。都係景點同景點之間就未必一定有車到，所以用成都作為轉車同休息既中轉站。同埋到所有景點既車，你必須早一日就去成都市中心既<新南門客運站>買定車票，同埋好多景點一日得開一班車，因為路途遠，好多都係7:00am就出發啦，所以要早去等車。

2)方案<雲南遊>(都係$3000都唔使，全包)
香港-->深圳-->昆明-->大理-->麗江-->香格里拉-->麗江-->昆明-->深圳-->香港
我計你到昆明果日開始啦。

day1:到昆明後就到火車站買夜晚到大理既火車票，上到火車住一晚，第2日早上就會到大理。
day2:到佐大理之後就坐的士去大理古城，古城入面好多客棧，$30-$50一晚，下塌之後可以行下古城，再唔係就包車去附近既聶海同大理三塔睇景，仲有蒼山。
day3:早上坐大巴到麗江，下午就會到麗江，你可以入住麗江古城既客棧(客棧好衛生，環境又好)，$30-50一晚，麗江古城就係車站旁，步行10分鐘就到。
day4:自己古城一日遊
day5:租車到玉龍雪山風景區睇雪，間間客棧都有依d服務。晚上返到古城。
day6:包車到香格里拉，睇梅里雪山，佢係佛教既神山，海拔有成6千幾米，你梗係上唔到去，不過你大可以係飛來寺睇晒佢既全景。香格里拉住一晚。
day7:返回麗江，夜晚到古城<酒吧街>搵下艷遇啦，果度氣氛好正^^~
day8:再係麗江休息一天，因為古城有好多吸引你既地方。(買定麗江到昆明既大巴車票)
day9:麗江到昆明，傍晚到昆明。到酒店住一晚，你可以到青年路尾既橋香園食雲南特產-正宗過橋米線，佢旁邊就係以前中學中文讀過既圓通山，圓通寺啦。
day10:返深圳。

3)方案(廣西桂林遊)($2000左右)

香港-->深圳-->桂林-->陽朔-->桂林-->深圳-->香港
day1:到桂林，夜晚到市內食下小食，休息一晚。
day2:早上租單車到桂林市遊晒佢所有景點，因為象鼻山,七星岩 ﹑冠岩 ﹑ 七星公園﹑
叠彩山 ﹑獨秀峰 ﹑堯山﹑ 芦笛岩﹑ 伏波山 等等，全都係桂林市內，所以踩單車一日就睇晒。再住一晚桂林。
day3:早上8點由桂林乘旅遊專車至磨盤山碼頭，9︰00開始漓江之旅（普通游船船票180元/人，1.1米以下免費，1.1-1.4米半價；豪華游船船票270元/人，1.1米以下免費，1.1-1.4米半價，船上免費供應茶水和午餐）。漓江清澈碧綠，兩岸千姿百態的山峰一排排涌來，大約有4個小時都處于這絕美的山水之中。下午抵達陽朔后，可繼續遊覽漓江從陽朔到福利的一段。漓江夜游亦十分精彩，坐在小漁船上蕩漾江中，看月光漣漣、漁火點點。在陽朔，可以根據自己的需要選擇房間。一晚都係$50/人
day4:又租單車到陽朔高田風景區去玩，沿途又燧靚到你唔信。又可以去玩泥沿。到月亮山睇風景。夜晚返到陽朔再去當地出名既酒吧街飲飲食食，果度到處都係鬼佬同中國遊客，好正！
day5:咁好玩就住多晚啦。
day:返桂林再坐飛機到深圳。

4, 5 日時間國內遊旅行團可以考慮 :

(1) 桂林 -- 陽朔 , 龍脊梯田. ( 自然景色怡人 )

(2) 廈門 -- 鼓浪嶼 . ( 島上樂韻悠揚 , 富歐陸悠閒氣息 )

(3) 海南島 -- 三亞 , 海口. ( 椰林樹影 , 仿如置身星 , 馬 , 泰 )

以上三個地方我都去過旅行 , 4天時間也比較適合 ,

唔係廣東省咁近 , 消費又唔貴 , 唔錯架,

值得考慮 .

至於邊間旅行社較好 , 我跟過很多間, 如中旅 ,星晨 ,新華 ,永安 ,康泰 等等...

其實大同少異 , 視乎住宿和膳食質數而定 , 你可上網或致電查詢比較 .

祝旅途愉快