手指麻痺同腳腫

醫生話因為水腫所以會麻痺, 係無方法解決既, 因為要解決都係比去水丸你食,咁你會唔會食呀?到你生完之後就會好番o架喇, 至於腫三日就生得, 我陀２個都腫成個月先至生, 我相信係每個人身體情況唔同, 唔可以一概而論.

p.s : 我陀到６個月已經手痺,情況壞到全日都係咁樣,你差不多生先咁樣已經好好喇, 我生完後２個月先好番.

我依家26週已經有水腫啦!今日係第四日,頭兩日就夜晚先腫,琴日同今日下午都有腫,訓時用枕頭"long"高少少就會好d,唔好企同坐咁耐,坐下又企下好d.
麻痺我就未有,不過琴日一早有抽筋,咁岩老公未返工就叫醒左佢幫我按摩,超痛!!
放鬆d啦!唔好咁緊張啦,...

我呢排都係呀...一訓醒兩隻手又踵又麻痺...
都唔知點解會咁咖...唔知係咪訓覺0個陣d血行唔通呢...
不過呢個都係我自己諗...所以其實都唔係咁清楚...
只知道大肚婆有呢d情況係正常既~~所以你都唔好咁擔心啦~~^^

我都係呀..依家有左36週,預產期8月31日,晚上瞓覺都有手指痺同腳腫
圖片參考：http://hk.yimg.com/i/icon/16/2.gif