急急急急急用！日本東京自遊行5天 (20點!)

如果要去台場就選第二天好了，因為三鷹之森同台場係一個東、一個西，乘車時間太多，但若果真的想去台場，可以加插在築地市場或銀座博品館後，因為可以由新橋站搭赤味歐線(海歐號無人駕駛列車)，JR新橋站與銀座距離很近，不過個人認為這樣的行程會好趕。

橫濱可以選Bayside Outlet，有時間的話可以順路去原宿、表參道。

提一提你第一天出到池袋可能已經很晚，所以建議你乘成田快線前往酒店會比較好。

第一天去到酒店都要四五點了, 要去書店或是lumine都好, 要快點, 因為很早關門的啊~ 加上新宿的紀伊國屋有好多層, 仲要行埋Lumine1,2, 恐怕有點趕呢~ 要去就要留意時間了。 建議行完你要行既新宿先食都無問題, 因為公司早關門, 食店晚晚都有得食, 所以可以在落機至去酒店的路程先食少少野醫肚, 然後由池袋去新宿。

第二天, 唔知你去過disney未, 如果未去過, 可能有排行, 再加上要排隊的時間, 可能真的要花上一天, 但留意disney是可以吸手印出出入入的, 如果未到晚上煙花, 你又玩到無野好玩, 或者已經行哂既話, 就可以吸個手印然後出黎行下都得, 最近disney的是舞濱站, 然後乖JR到東京站, 再轉山手線外回到新橋站, 然後就可以乘海鷗號到台場了, 時間可能要花九個字有多, 考慮看看吧~

第三天, 記得早點到築地, 最好八點半左右到, 九點開始已經好多人排隊了, 去銀座, 六本木等地shopping, 也要小心時間, 記得要留意去三鷹的bus時間, 同埋佢入場好像是到六點, 計你食完築地差不多十點, 你乘車到銀座行玩具博品館(又係有幾層的), 唔知你仲行唔行其他店, 如果唔行, 又再要乘車去Roppongi, 行完又要好趕咁去三鷹。 如果是我, 我可能會三鷹同銀座/六本木倒轉, 去左三鷹先, 因為我覺得你去得tokyo city tower, 當然係睇埋夜景正o的啦, 我個人喜歡在黃昏時段去這些高地的, 雖然車程可能有點兒走遠了, 但這樣會好玩一點(在我來說 :) )

第四日, 你可以考慮去橫濱前去左你仲想去既地方先, 乘東急東橫到yokohama, 大約半小時多一點左右, 唔會好耐, 你要去拉麵博物館就要再轉一轉車, 你可以在上午時份去左一o的睇景既地方先又得, 然後中午去到拉麵博物館食野, 行完再去outlet, 然後再回橫濱市中心行下, 睇你鍾意shopping定睇景喇, 我鍾意睇景, 所以我去年選擇了乘sea bass遊橫濱港 http://www.yokohama-cruising.jp/ship/seabass.html 基本上已經好夠玩, 都無咩地方可以再加了

最後一天嘛, 行tokyu hand和那些動漫店animate等等的, 都已經很不夠時間用了, 因為池袋本身有好多野玩的, 但, 因為店都不會太早開門, 給你行的時間其實不是很多。

買了三鷹的票沒有? 想好行程, 記得要計計車費, 例如第三天, 你想好行程以後, 可以考慮下有無需要用one day pass (都有分幾種唔同既pass架)。

祝旅途愉快

第一日去到酒店已經4點幾5點, 所以要快行, 因為多數shop都會8or9點關門.
第三日行程都好趕, 應該去唔到台場(台場最少玩半日).
第四日嘅行程已足夠消磨一日, 所以應該無咩時間剩, 如果夜晚仲有時間, 可以返池袋趁shopping mall未關門前去行下, 因為你第五日其實無咩時間行街喇, 最遲11點半要搭車出機場, 因為車程要個半鐘(未計塞車), 機場check in最少半個鐘(depends on條龍有幾長), 跟住又要食lunch, 食完都夠鐘上機喇.

Good 第三天有時間往台場 第四天有時間去其他地方 迪士尼樂園