去醫院排期被拒

你去屯門醫院排期當然唔使喇，你首先去診所驗孕，之後個醫生會寫左醫生紙比你，係證明你真係懷孕，之後你攞住張醫生紙去附近既母嬰健康院，佢就會同你登記比個期你去檢查，而你第一次檢查你要帶埋你老公既身份証作登記，你住新界區大多數會安排屯門醫院生。你話點解個情況會唔一樣呢?可能你同你個朋友懷孕週唔同喇~二) 就係唔同醫院又唔同做法，而你只有10週屯門醫院唔會收架~呢段時間你只可以係母嬰健康院檢查，但當你懷孕到36週到你就要轉往去屯門醫院檢查直至你生為止，到時母嬰健康院會轉往你過去，你亦可放心。大陸人須要預早排期，你真架，因為醫院要預算下D床位呀~
而你依家只需每月檢查一次，約24週就兩星期一次，36週之後就每星期一次。

無論妳去邊度排期,最緊要有醫生轉介信,我係去qe排,有咗成三四個月先登記,結果排到bb七個月先第一次見醫生,想轉返健康院又唔得,妳最好快快問清楚,盡早做檢查!

我都係屯門醫院生既~
唔洗自己去排期咖,因為我都係健康院0個度幫我排左期去屯門醫院生的~~
你擔心可以去健康院問下丫~~^^

你囉埋張醫生紙去母嬰健康院(新都商場,分科診所)就得架啦!佢會比個期你去做產前檢查,..你去果度產檢咁就係去屯門醫院生架啦!我都係咁...依家26週啦!同埋我媽咪打去問過,d姑娘講架,

係架, 我生大仔o個時都係屯門住,係o係"母嬰健康院"做檢查架, 除非係健康院做檢查覺得你bb有問題至會叫你去健康院照呢樣照o個樣o架炸, 到你差唔多生先比封信你, 生得既時候拎去醫院架, 好似我生第2件, 係o係廣華做檢查既(因為我想係廣華生, 但附近健康院話生既時候係QE, 所以我無係健康院做, 而直接去左廣華), 九龍都可以係健康院做 , 睇下邊一間健康院啦, 因為有o的健康院唔做產前檢查o架 ^.^