我隻貓好煩?????

🐈 寵物台貓

shuk fong

2007-08-01 9:55 pm

我隻貓養了一年多,她是女仔,已經做了絕育手術,唔知點解每晚深夜,就叫不停.直到你從房門出來,起初以為她肚or,給她糧之後,她就安靜到天光。但如果每晚是這樣便很慘,請問是否有好辨法,請幫忙。

回答 (10)

Lowina

2007-08-02 11:55 pm

✔ 最佳答案

我之前都有呢個問題!
兩隻貓 (1 歲幾, 已絕育) 夜晚醒左就會叫呀叫呀叫,
搞到我要落床摸下佢地然後佢地又靜番.
後來我就試下放夠糧先, 肯定左叫唔係為餓,
然後每次佢地叫我就唔理佢地, 由佢地叫到拆天都當透明, (之前佢地可以叫一粒鐘架!)
一早起身同放工番屋企唔會即刻餵或摸佢地, 等佢地叫完一輪後過一陣我先摸佢地,
等佢地知道叫係冇用既, 安靜時我先會摸佢地, 平日都會盡量錫佢地, 同佢地玩.
但佢一叫我就反而唔理佢地. 我覺得貓其實會知架.
而家過左幾個星期, 有一隻半夜聽到我咳 (以為我醒左) 就會叫幾聲 (好細聲) , 然後自動收聲. 另一隻已經冇叫了.
總之唔會無端端叫醒我, 就算放假都唔會再 6 點就開始叫.
我希望過多排佢地會連我咳都唔叫就最好, 你都加油呀!

參考: 我的經驗

👍 0 👎 0

erica

2007-08-04 10:00 am

絕左育幾耐?如果絕育冇幾耐, 貓貓嘅賀爾蒙關係, 未咁快回復正常, 等過一排就冇事架喇,我隻貓也是這樣, 攪到我以為做手術做得唔好, 之後再同佢睇醫生, 係醫生話我知嘅.忍耐多陣啦

👍 0 👎 0

Pekkle Anita

2007-08-03 8:59 pm

我隻貓貓係日頭「訓」，夜晚活動！阿姨話呢0的就唔係懶貓，因為貓係夜晚捉老鼠喎！當然，我地而家養貓唔係為0左捉老鼠啦，不過貓同人一樣，都有可能係日頭「訓」夜晚玩！
我隻貓貓日頭食好少0野，主要係夜晚食，所以除0左每晚開罐頭比佢，我會長放乾糧，我隻貓貓日頭（7am-9pm）只食十零粒乾糧，但係夜晚（9pm-7am）就食一罐罐頭同起碼二三十粒乾糧，所以你可以好似我咁長放乾糧，貓貓唔會好似魚咁唔知飽！
正如其他人所講，佢叫，你唔好理佢，慢慢佢就唔會再叫，就好似家長對付BB一樣，唔好一喊就抱佢，會寵壞！

👍 0 👎 0

用戶6304

2007-08-03 5:10 am

有機個可能性,1.可能she好悶,咁係因為你冇同she玩,你可以buy多d玩具比she玩2.可能肚or,你放多d糧比she就得啦!!

👍 0 👎 0

chong

2007-08-02 2:26 am

因為貓是夜行動物
所以在夜裹醒來是正常的
牠們會肚餓
你在睡覺前先給牠食物
應該不會叫
再不行的話
只好給vet檢查是否有病了

👍 0 👎 0

cynthia

2007-08-01 10:23 pm

佢的叫聲係咪好似d bb喊咁樣....又係地下度"典"黎"典"去..???

2007-08-02 09:46:01 補充：
不如你試下唔理佢...總之你定左係邊一個時間去餵佢..就跟返那個時間...除了餵飼時間..你頂多俾少少零食佢...佢習慣左就唔會再夜麻麻叫你...其實佢係好似小朋友咁..佢見咁樣扭你..你會俾..所以佢就會習慣左....佢習慣你的餵飼時間佢就會係返餵飼時間先扭你....你唔駛擔心佢會餓親...份量岩就得...同埋..你養佢都有成幾..成貓都係一日食兩餐...

👍 0 👎 0