射波拉西一問

腳趾尾拉篩
到現時為止，最令人津津樂道嘅腳趾尾拉篩罰球係巴西卡路士1997年６月對法國離門37碼射死巴夫斯嗰球世界波。37碼呀！
http://www.youtube.c om/watch?v=Vi2zjG_d6 oQ
正宗的腳趾尾拉篩射門，同腳內侧唔同，開始助跑時，人、皮球和龍門(目標)成一直線。而腳內侧助跑係45度。所以你見罰球如果攻方有兩個球員企喺度等對方唔知邊個射，通常係慣用腳內侧嗰位企側邊，慣用腳趾尾嗰位企正面。
講完助跑，到射門。其實腳趾尾拉篩射門動作，從助跑到接觸球的一刹那之前，同腳背面射一樣，但射嗰下，腳面要向內轉(左腳嘅話向右，右腳嘅話向左)對準球的中央，然後利用大腿擺動時的冲力，猛力踢向皮球，同時接觸球的一刹那chok個波令個波旋轉，跟住follow through令腳向內侧完成動作。
千萬不要真的先用脚趾尾部份接觸個波。
由於腳趾尾拉篩射門動作同腳背面射差唔多，所以勁度會比腳內侧勁好多，但由於接觸球的一刹那要做好轉腳腕及chok波的動作，技術要求比腳內侧及腳背高，所以要多練習才能練得出好的腳趾尾拉篩。
睇上面段片卡路士嘅姿勢你就知我講乜。