飛河龜問題~~!!!~~~~!!!

你對飛河龜（見你咁問係假設你已經有一公一乸）有幾大呢？？到性成熟階段未呢？因為飛河龜起碼要養到30CM左右先算成體。
如果係要令佢地產卵的話，要留意佢地交配後，就要在水缸旁用膠盒裝滿微濕的沙，等母龜自行爬上去產卵，產好後成盒沙連蛋移走，放在一通風同溫度穩定的地方，保持沙有10%~15%濕度（大約係感覺有Ｄ濕，但一手拿上來就散的程度。）溫度保持28至30度（內地有一說法係保持住30度會孵出雌雄各一半），呢點同佢地近親海龜好相似。
若果以上一切順利，大約60-70日就可以孵出BB龜，到時將初生BB龜移到淺水盆養，等佢地完全吸收哂卵黃之後可以餵下沉底魚糧引佢地開口。
但要有心理準備，目前為止私人自家繁殖飛河龜的成功率都唔係太高。