手動波電單車轉波

要極力子控制得好，轉波時就不會死火，其實電單車以左手控制極力子，已經比汽車以左腳控制極力子容易，因為手感較好。如果波檔很難入，就是換機油的時候。如要停車不死火，則要抓緊左手之極力子，令引擎與尾牙分離。如果當抓緊極力子都常常停車時死火，就可能是要調整極力子或要更換零件，建議你去車房檢查。駕駛電單車與單車不同，電單車停車或減慢，前煞與後煞比例為70%比30%(與汽車相同，當煞車時，重心移向前，即加大了前輪之磨擦力，因而加強了停車效果)，所以你會留意到電單車通常為前碟後鼓煞車系統，因碟煞較有效率，同時碟煞之磨擦片損耗亦較快，這點要特別注意。通常我會建議在減慢車速時用後煞，當要停車時前後煞一齊使用，在停定時祇用前煞，因隻右腳要準備落地平衡電單車。

睇嚟你應該都係學神喇~

正如樓上兩位所講，轉波真係好難會死火，除非你轉波個動作慢得太緊要....
至於停車呢，好少會拖波去到一波先停，二波一樣停到。你夾硬拖落一波，CHUCK到你死，更加難平衡啦。只要差唔多停定先由二踩返落一波先落腳就OK喇。

跟住就講頭尾煞車，其實一般嚟講，尾只係用嚟微調，頭煞先係主力，所以尾制唔好咁大力踩，唔係一鎖轆就炒硬車。

希望幫到你啦~

轉波本來就唔會死火, 最多都係轉得唔順
轉波唔同起步呀... 起步如果死火, 就試下比大油 d, 左手慢慢放.

如果 1 轉 2 都死火.. 你行得好慢架 ? 要死火都好高難度囉喎
架車行順左先上 2 波.

停車就 前後一齊煞, 如果控制唔到就後煞, 咁你隻右手就可以專心比油

行車中就後煞啦... 因為後煞通常都弱 d, 你可以控制得安心 d