我隻倉鼠唔識玩轉輪

A.你用既轉輪同梯會唔會係一間間有隙既呢?呢d轉輪,地板,梯都係好危險,好易卡到鼠鼠既腳,如果你隻鼠之前卡過,唔願再用呢d物品都唔奇,如果係咁既情況,可以先用膠file整住,再換過個轉輪

B.都有可能係佢有用你唔覺,因為鼠鼠係夜晚活動既多,而你放佢上去迫佢用咁,佢驚都好正常,由得佢試下啦,其實大多數鼠都會識玩轉輪同梯,所以唔洗太擔心,就算鼠b,未戒奶好多都已經識玩了
鼠鼠如果新買返唻,冇耐又轉地方係會冇咁快適應,俾D時候同耐性啦!

鼠鼠天生係挖地洞,唔係行樓梯,所以樓梯唔識就要學下

C.唔知你同佢轉用籠幾耐呢?轉新環境就要俾兩日佢習慣下,再試下以下方法3)教佢用梯:
1)先將鼠鼠同食物,水放晒去地下一層(樓上都得),再在樓上放少少野食
再放少量木糠上轉輪上面
2)第二日睇下樓上既食物同轉上既木糠有冇唔見到,有唔見就証明佢其實識,只係唔係你在場時用
3)真係唔識既話,轉輪就由得佢自己試,上樓就真係要教
用野食,引鼠鼠由下層,慢慢上去樓上,唔好捉佢,引佢慢慢行,唔得就試多幾次,應該唔難既,最緊要梯係安全

D.唔知之前佢用既盒係有咩設施,但如果冇咩野,又易走既話,佢當然會成日好想走咁,而有籠之後,感覺安定得多了,所以安心D訓,係好事唻架
而且因為鼠鼠係夜間活動日頭訓覺,如果你既作息時間同佢相反,就好易只會見到佢只係食同訓,就算你半夜成日起身,都未必會遇到佢既活動時間.
天氣特別熱同特別凍,都會令鼠鼠訓得多,如果佢冇減少佢既食量都唔洗擔心,如果只係訓而冇咩點食野,就可能有唔舒服啦

E.磨牙石有時咬左少少會唔多覺,如果佢唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既.

有d人會建議俾木筷子俾鼠鼠咬,但我就覺得唔好,一來會有刺,二來易令鼠鼠想塞入腮,咁就易整親個腮啦.

倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦


2007-08-01 00:22:50 補充：
好多鼠都會揀咬籠做磨牙方法,但咁係唔好既,因為會整到鼻同下巴損如果有呢個情況,可以試下教佢,我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多

2007-08-02 01:05:45 補充：
轉籠2,3日,佢未慣都唔奇既,俾d時間,同埋試下用我之前講既方法教下佢吧用籠比用盒好,佢鍾意都正常,但你開門佢跑去屋仔,似係佢驚多d,你下次開籠既門既時候,試下用以下方法同佢打好關係:1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食3)再熟d再試下俾野佢食既摸下佢頭or身

2007-08-02 01:06:41 補充：
4)佢都唔抗拒之後,可將食物放在手心,等佢行上唻食,慢慢佢會習慣左你既手5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.有時唔一定要卡住過先會令鼠鼠覺得危險,佢行過上去都可以覺得一間間咁唔多好,最好換過個轉輪啦,因為真係好危險,樓梯都係好危險,我之前有隻鼠就係咁卡住倒吊,之後隻腳就斷,都幾恐怖既狀態有時佢上過去or玩過,未必係你在場時,所以佢上過去未必會知呢,改善呢d危險之處之前,最好拆左佢先

2007-08-02 01:07:15 補充：
你既鼠食野有冇少到?照你講你開籠佢會跑開去,又會同你家姐咁玩,應該就唔似好少活動咁,而你所講既半夜留意佢又大概幾點同幾耐左右呢?我多數半夜都唔係訓緊,我既鼠就成3,4點or5,6點先開始玩,有時真係唔係咁易留意到最緊要鼠鼠食野冇問題,又跑得郁,再加以留意鼠鼠身體及排泄物有冇異常你既鼠明顯鍾意你家姐多d,你可以用返頭先講既方法同鼠鼠打好關係先,可能你之前做左d野嚇親佢而又唔多覺都唔定

2007-08-02 01:07:36 補充：
鼠店買返唻既鼠,一般都係一戒奶就由繁殖場送去鼠店,大約21日大左右,所以由鼠店買返唻其實都唔會好大年紀,除非係買一d人地唔要既鼠or d鼠已經放左好耐日子,其實買既時候可以問下鼠店,大約d鼠到左幾耐,再自行加返21日左右就可以當鼠齡

你隻鼠鼠出細左幾耐@@*...

有時佢地會慢慢接觸某一樣野,,慢慢習慣左之後..
就會識架喇*唔駛迫架*=]...
當佢接觸過..熟識左就自自然會再次去接觸,,再去玩架喇!!*

至於磨牙石呢,,唔係隻隻鼠鼠都會用架其實*,,
但係你而家個籠係鐵定咩架??*
如果係鐵,,最好慢慢學下佢,,唔好比佢成日咬籠,,如果膠既都好d*
因為當佢有需要磨牙既時候,,就會自然去磨架喇!!*=]

你要小心d*唔好比佢地走甩牙*,,佢地一有機會的話*
就一定走架喇,,話哂比人困住佢地一定唔想的!!*

至於你話佢成日訓*其實好多鼠都係,,
佢地都係夜間活動既,,同埋冇定時間去玩/訓..
佢地中意幾時訓就訓架喇*so唔駛咁擔心喇=]

=]希望幫到你喇

你隻倉鼠係咪岩岩出世無幾耐呢?? D倉鼠老左或者仲係BB時期,,佢地都唔會玩個輪住架

佢地成日訓,,可能係隻倉鼠懶,,唔願郁姐

佢唔磨牙,,因為都係懶既問題(我自己果隻都係)

你如果仲想知多D既,,你咪msn add我啦 [email protected] 我養左3年架喇
希望幫到你!

其實我都有養，佢地通常係夜晚先致玩輪同活動
而且我個籠都有兩層，佢唔係太鍾意上面嫁
因為無木糠
佢好小咬磨牙石嫁，因為唔適合佢個口型
你可以俾枝快子佢咬，我個隻好鍾意嫁
成日訓覺都好正常，因為夜晚玩得太勁
所以你唔駛擔心嫁:)