about 倉鼠

1.=]其實冇問題架,,因為佢地多數都係夜晚活動既,,
佢地冇定時間玩/訓..中意幾時起身就起架喇,,唔駛咁擔心的!!*

2.其實唔駛特登比水果佢地食架*一來未必隻隻鼠鼠都受得*二來
家下市面上既糧有好多都包埋一d有蔬果成份o係入面既*
如果你真係想跟佢地食下既,,我覺得最好比蘋果佢地試下囉=]

3.其實如果你想佢會多d痴你..就要付出多d時間喇*
如果你係最近先買返黎既*就最好唔好成日煩佢住*
比佢熟識左佢而家個個地方先*跟住就可以開始嗌佢個名*
等佢聽多d*有時嗌佢之後..可以搵野食比佢,,喂佢食*
一路同佢傾計*親自喂多d佢..次次喂都嗌一嗌佢咁*
好快佢就會開始明你嗌佢,,同埋知道會有野食*同埋佢就會熟左
你陣味...會認得*
每日都抽少少時候陪下佢玩*抱下佢咁*好快就會fd架喇=]

希望我幫到你喇=]

1.因為鼠鼠係夜間活動日頭訓覺,如果你既作息時間同佢相反,就好易只會見到佢只係食同訓,就算你半夜成日起身,都未必會遇到佢既活動時間.
天氣特別熱同特別凍,都會令鼠鼠訓得多,如果佢冇減少佢既食量都唔洗擔心,如果只係訓而冇咩點食野,就可能有唔舒服啦.

2.我覺得蔬果並唔適合鼠鼠食既,我覺得只係俾混合主糧已經好足夠,主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病
除非鼠鼠便秘,但就算鼠鼠便秘,都絕不能俾過多俾鼠鼠食,大約半指甲大小就ok,可以食一d水份唔多既水果,如橙既"衣"我就覺得最安全了

我就唔建議人俾蔬果俾鼠鼠食,原因如下:

a)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食

b)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.

c)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.
而鼠鼠本身住在沙漠,所食到既植物都同蔬果好唔同,水份一定好少

d)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既.

3.尊重鼠鼠,唔好在鼠鼠訓覺時打擾佢,唔好迫鼠鼠,再試下以下方法就可以令鼠鼠同你更易熟:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

4.另外,可能你買隻兩隻鼠返唻唔係好耐啦,鼠鼠年幼時好多時一齊住都冇咩問題,但當鼠鼠慢慢長,大就好易會有打交既情況,你兩隻仲係一對,就好易會不斷繁殖,咁就會有好多問題
就算所有問題都解決,日後既鼠b又有冇咁多空間時間去打理?放埋一齊又會亂倫呢!就算俾晒朋友,原本而家兩隻都會不斷繁殖,咁就好快會有好多隻鼠了(如果冇打交既話)

希望你會考慮一下唔好去繁殖鼠鼠,原因如下;
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
b)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
c)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
d) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
e)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

尋日睇到段新聞,係講貓狗繁殖得好快,令我諗起鼠繁殖得仲快,只係鼠唔好貓狗咁長命,咁大隻,相比都冇咁受重視,有興趣可以去睇下呢個新聞
http://hk.news.yahoo .com/070729/12/2cgrp .html

2007-08-01 00:26:10 補充：
蘋果其實好易變黑,我覺得真係唔太好最好都係唔好亂俾水果,唔係令鼠鼠肚瀉就唔好啦

倉鼠係日頭瞓覺夜晚先活動既，最好比係寵物店買個d乾果比佢地食因怕會腸胃不適 (但我試過比新鮮紅蘿蔔我個兩隻食佢地就無事, 水果就未試過)。有時間可以用手抱下佢地，同佢地講下野, 叫下佢地個名, 都有用架, 希望佢地快高長大啦! 我個兩隻1歲啦! keke...