我想問如果我爸爸好鐘意講人是非,鐘意話呢個唔好,那個唔好,搞到家無寧日,點算

我的家庭與你剛剛相反, 我媽媽是一個常會令家無寧日的人, 每天都喋喋不休的說! 在家中最小的我, 幾乎每天也要捱鬧! 所以我相信我很明白你的感受!
但...我媽媽卻是一個相識滿天下0既人, 朋友是多, 但真心的...我卻不知道! 她很喜歡將別人的事說給另一些人知道! 更喜歡就是將自己仔女的事說給人知, 好的事講給人知, 我覺得冇問題, 但每每是仔女最失意唔開心0既問題, 佢就會高談闊論! 我很不滿! 而且很不高興!
在這個家, 左右做人難, 她給你說話, 你回應, 她說你駁咀, 你不回應, 她說你沒禮貌! 到底我可以點呢?
我諗大概我們都要找些他們(你爸爸我媽媽)的興趣, 讓他們盡情的發洩先得囉! 或者...就是我們願意去當這個家的犧牲品, 與他們談話吧!

你可以試一下用禮貌的態道勸他,例如:「啊爸,我有D野想同你講,講完希望你唔好生氣,你平時經常說別人的壞話,可不可以少說一點,不如你想一想別人的好處,就好過說壞話,是嗎?」 如果還是不行等下一次他再說是非時,你就說:「咪就係,佢這麼壞我們不要說他或我們不要說這個,說其它好的。」然後一定要想一個話題快過他先說,不要被他說其它是非。 祝你馬到功成!

其實當建立一個家庭　再有埋小朋友之後
好多時都已經少左同朋友聯絡　邊有咁多時間丫重
久而久之朋友少左係正常事　當然你父親係咪真係一個朋友都冇呢
佢返工都有同事啦　佢同同事相處得好唔好你又知唔知？
正等於　你爸爸都未必知你有幾多朋友一樣

你爸爸鍾意講咩是非先　話你地定係話街外人？
話你地咪忍下囉　講真　如果你經濟獨立唔使靠佢既
你搬左出去就已經唔使再受佢氣啦　相見好同住難
不論家人定另一半有時都總有呢ｄ問題出現
其實你自己本身有冇同媽媽／爸爸傾過問題？
定係一味係度忍／埋怨？　
其實如果你覺得面對呢個人你搵唔到解決方法　你真係唯有繼續等
等到有朝一日自己可以獨立搬出去住　家無寧日既時候咪少左囉

我屋企以前日日都家無寧日　唔係嘈交就打交
做仔女既　講真未必有呢個資格出聲反駁
不過人大左　搬囉　搬左之後久唔久食餐飯　感情反而好左
有時候　人隨住年齡增加　諗法同處事都會唔同左
父母的確有唔岩既地方存在　呢個世界冇一對父母係百份百正確
但同時作為子女既　又係咪真係下下要去指責呢？
忍一時風平浪靜　退一步海闊天空　大事化小啦　
反正個問題唔係今日先出現　你總有一日離開呢個家建立自己既一個家
到時你又可能行返父母既路　呢刻大家立長唔同　
下一刻唔知咖嘛　好好珍惜相處時間啦　做好自己
就算人地要繼續做ｄ你認為唔岩既野都好　唔影響自己心態咪得囉

經濟未能獨立前，唯有忍。你自己要多結交朋友，多跟兄弟姐妹上街，和擴闊自己的圈子。你有其他的生活，他對你的影響自然相對減少。此外，更要努力讀書，希望快點有經濟能力，便可以搬走獨立生活。在家見到他，最好做條軟皮蛇，不要動氣。他說的話當耳邊風好了，不要入肉。對他盡量保持基本的禮貌。

性格是養成的。你爸爸長大的時候不知經歷了什麽，讓他變成現在這個樣子。他可能有他的經歷。不過，這樣的品性確實難頂！

你應該和你爸爸抽些時間去玩.禁你爸爸要不要上班