怎麼教幼犬自己吃東西

佢得三十幾日大, 你就帶佢返屋企? 其實狗狗喺出生後的個半月內, 都唔應該離開狗媽媽, 一來佢哋要飲母乳來增強抵抗力, 二來佢哋未出牙, 食唔到亦消化唔到固體食物. 不過既然你已接咗佢返屋企, 咁都冇辦法. 佢連牙都未出, 梗係唔識食固體食物啦(即使浸淋咗都係), 惟今之計, 你去大間啲0既寵物店或獸醫診所, 買罐狗奶粉開俾佢飲啦, 盡量唔好買Royal Canin呢隻牌子, 因為係商業糧, 唔好架.

BB狗大約係45天左右會出牙仔, 到時就可以轉食固體食物(當然要浸淋啦), 你到時慢慢續粒續粒餵佢, 你餵十粒八粒左右, 就可以試吓放個狗兜喺佢面前, 鼓勵佢自己食, 試多幾次, 佢會識得自己食架啦.

P. S. 你係咪第一次養狗狗呀? 有少少嘢要提你 :

1. BB狗3-4個鐘要餵一次奶, 轉食固體食物後到4個月大期間, 每日要食3餐, 4個月後可減為每日兩餐, 成犬後(9個月至1歲)可改為每日1餐.

2. 兩個月大左右, 要帶佢去帶預防針, 每個月打一支, 打齊三支後兩個星期, 至可以帶佢落街玩.

3. 未打齊針前, 盡量唔好幫佢沖涼, 因為驚會冷親佢, 如果真係要沖, 沖完後要立即用風筒吹乾佢啲毛.

最後, 希望你隻狗狗快高長大.

狗仔仲未戒奶，所以唔識得食狗糧，你可以去買d狗奶粉，買埋個狗用既奶樽，狗仔要食野先至有抵抗力，要等狗仔再大d你可以用奶粉浸狗糧俾佢食，等佢出齊牙就可以食乾糧唔駛浸，可參考以下的網頁:
http://www.pet28.com/profile.asp?id=18202
http://www.pet28.com/profile.asp?id=6735