英文作文的技巧

應邀交流交流。
圖片參考：http://hk.yimg.com/i/icon/16/1.gif

有趣與高分我相信有關係。
有冇睇過同學o既文？你睇唔睇得明？唔計你笑佢，你覺得睇呢ｄ文有冇趣味？然後再想像下，要睇廿份呢個水平o既文係乜野滋味？
所以第一樣野係，要寫得四平八穩。錯得少，睇文o既人睇得舒服同快，唔駛成日估你寫乜，呢個係起碼要求。有趣，有 style 係高一級o既。當然，唔離題係先決條件啦。
要有趣，故事創作時最基本就係文章情節要有ｄ心思；如果係敍事描寫文，就要令描寫豐富（唔一定要用深字）。要有 style 就更難，你要真係由寫作中 develop 一個 style 出o黎，另一方法係日常睇得多英文文章，令自己耳濡目染下 pick up 一種 style。以下求其作一小段故事，唔用深字：
The sky was dark. Alone and afraid, Pete walked along this track. He had been walking for more than two hours without seeing any people, house, or lamp post. Even bats or insects seemed to dislike this track. Other than his own steps and songs, he had not heard anything -- except the pounding of his heart.
"How stupid am I! Why did I agree to come here?" Pete asked himself for the umpteenth time. But he knew he didn't really have options.
......
我用o既字我諗除左 umpteenth 之外都冇乜邊個深啦。但係你可以睇到o既，係句式變化，運用分段、對話／說話，增加文章變化，呢ｄ都可以令文章較有特色同趣味。
即係話要寫得好睇，除左識字要多，可以用不同字講同一樣野，仲要多學句式（如 relative clauses, participle clauses），多運用，咁就唔駛句句都 I can ... , This is... 咁簡單。

1.用多D形容詞
2.擴張句子
3.用Grammar多D.....
4.try to use mind map 來思想

其實你可以補習..
不過我揾到個方法

首先, 要留意學習語文時, 不可將讀、寫、聽、講四方面完全分割, 要多嘗試平衡發展. 例如, 當你作閱讀理解練習時, 不止要留意個別單字的解釋及句子的結構, 也要留意有甚麼地方是可以溶入其他三方面來應用的.

其次, 我建議平日要好好珍惜每一個寫作練習的機會, 憑自己的努力做到最好. 以我所知, 不少學生都有以下矛盾心態: 想老師出多些作文題給自己練習, 但又怕去寫, 不肯慢慢細想, 不願自己解決問題. 於是, 希望一有唔識就想老師給越多貼士越好, 寫唔夠兩句, 有個字唔識就找老師做人肉翻譯機... 到了派發作文時, 留意自己的分數, 多於留意自己應作改善的特點. 因此即使是做完改正, 很快便又重犯已前習慣了的錯處. 這種同學, 即使做一百次作文, 其效果只等於將水注入一只有大裂痕的杯中一百次, 是留不住知識的.

第三, 要好好保留以往寫過的文章. 雖然可能寫得不好, 被老師批得體無完膚, 令你不想再看, 但是, 肯面對現實, 願意認真改善自己的錯處, 才是有進步的關鍵之一. 不但要保留來 "檢討", 更要定期 "重作" --- 只有這樣做, 才最能考驗自己是否能改善以往曾犯過的大毛病, 及考驗自己的表達方式和觀點是否有進步. 當然, 這些做法或許是極枯燥的, 但我肯定絕對有效.

第四, 或許你想要找一位英文專科老師來長期跟進. 記緊不要隨意找一位大學生來補, 要小心選擇導師. (至於補習社, 如果你程度較佳的話, 我唔反對)

最後作文時，文法同生字一樣咁重要。

我建議你多啲睇英文新聞，可以去香港政府網頁，有中英對照，睇下時事新聞o既用詞。去超級市場買野，有中英對照o既貨物，睇下英文可以點叫，咁樣日常生活o既英文詞語又會多點。

睇下英文報紙都好，除o左學生字外，仲留意下人地整句英文o既結構，睇下人地咩字配咩字 (搭配)，再唔係，你可以買本英語搭配字典，睇下啲英文字應該點用，幾時用。

查字典就學下查英英字典，咁就可以學到點樣用英文去表達或者解釋另一樣野。

最好就係一日作一篇文，題目可以根近期熱門話題，然後叫人幫你改。 如果你無補習老師，學校啲老師又唔得閒幫你，你可以試寫幾篇，然後放上yahoo叫大家幫幫你。