我咁樣做係咪好野蠻呢?

每一個人都有佢既生活方式, 生活圈子, 你並不是生活在只有你男朋友身邊, 你既行為同我當年一模一樣, 我可以講你係好小朋友, 生活圈子細, 所以你每每想做一些事情, 你都會只想與你男朋友一齊, 做人這樣係唔好既, 就今次去旅行, 你可以自己同你既朋友去或參加旅行團, 第一, 你可以比自己一次旅程係冇你男朋友, 等你等佢都可以清醒去諗下大家係唔係可以獨立, 第二, 你可以認識一些新朋友, 擴大自己生活圈子, 朋友, 你要記著, 女人天生就係野蠻, 你冇錯, 不過要野蠻得有道理, 這樣你的男朋友就唔會覺得你野蠻, 有point歪理都變成道理, 明白嗎!!! 我本人覺得你比佢同朋友去旅行係冇問題, 你自己都可以約朋友去, 問題係你下不到啖氣, 我建議你可以叫佢買手信比你, 或者你罰佢做一些無傷你倆感情的事, 這就要睇你自己啦, 兩個人可以相識已經好難, 要好好珍惜, 今次就當比個機會佢比個機會自己啦.唔好亂諗野, 有乜都要攤開講, 收收埋埋冇人知大家諗乜, 我係過來人, 我而家同我男友相識至今19年啦, 雖然未結婚, 但我地好專重對方, 好顧及對方感受, 希望我講既野可以幫到你啦.

其實兩個人共同生活, 其中一個課題便是雙方能否給予對方私人空間.
妳今次阻止了他, 他的朋友難免會訕笑他, 妳估會唔會入妳數呢?就算佢唔怪妳, 都不多不少有點不快藏在心.
妳今次阻止了他, 下次他是否也可以阻止妳同妳d fd 約會呢? 有機會製造了惡性循環, 長遠來說,有可能破壞雙方感情, 是在不知不覺間的....
不如妳退一步, 讓他陪 fd 去, 不過要限制他的budget, 以免影響年底日本之旅, 另提出一些要求, 只要唔過份, 我諗佢點都應承妳ga嘞.
如果最後佢話都係陪左妳去日本先, 今次唔陪fd嘞, 咁就唔關妳事la, 妳咪乘機獎勵下佢, 仲可增進感情tim

首先~我覺得你應該同佢講道理~而唔係純粹發洩自己的不滿~如果唔係你就會比人一種感覺似係唔講道理~淨係識發難~
你咪講過之前買屋用左好多錢所以冇錢去既~咁你咪問佢囉~問佢邊度黎咁多錢同佢啲朋友去旅行!!一講到lee個位~道理一定係企喺你嗰度~所以唔使咁驚好似自己做左衰人咁~
你可以同佢講架"如果你啲朋友請你去我咪比你去囉"~咁既然佢朋友請而唔係佢有錢唔同你去而同佢啲朋友去~你當然係冇權話佢啦~
你話你係咪好野蠻~我覺得你識得咁樣反思番自己係咪有問題就已經唔算係野蠻人啦~野蠻人邊會講道理~邊會反省自己有冇錯喎~^^~so 唔好講到自己咁差先~
anyway~如果佢堅持要去(自己比錢嗰隻)~我建議你要好認真咁同佢傾傾啦~
因為佢有得第一次~自然有第二次~
第二次既意思唔係話去旅行呀~而係指唔理你既要求~漠視你既存在呀!!!咁對大家都唔好~所以一定要好認真咁同佢傾下lee個位~你可以直接咁同佢表達你心裡面諗緊咩~可以同佢講如果佢去左旅行而又唔同你去~你好唔開心~好似比佢遺棄左之類~
兩個人相處最緊要坦誠ma~如果佢仲係鐘意你既~佢知道佢去左旅行會攪到你好唔開心~我相信佢自己玩都玩得唔安樂啦~
雖然我係男仔~但係我都不得不承認男仔有時係比較粗心大意~而且好難估得中女仔心裡面諗緊啲咩架~我自己就係一個好例子啦~我女朋友成日都話我懶了解佢~但係又估錯晒佢心裡面諗咩^^"
大膽啲同佢講啦~

係都係佢唔岩啦!!!大家都有假(5個男仔)係好難得呀!!!佢同你一齊去未仲難得?!既然大家都想去,又請到假的話點解唔一齊去呢?!我就唔覺得你係好唔講道理啦!!!佢咁做未即係重視朋友多過重視你囉!!!依樣都唔好講啦!!!佢同朋友去你想去的地方都唔同你去就唔岩啦!!!

ps:純個人意見